1. {#1யோபு பதில் கூறுகிறான் } [PS]அப்போது யோபு பதிலாக: [PE][PBR]
2. [QS]“நான் சொல்வதற்குச் செவிகொடும். [QE][QS2]அதுவே, நீர் எனக்கு ஆறுதல் கூறும் வகையாயிருக்கும். [QE]
3. [QS]நான் பேசும்போது பொறுமையாயிரும். [QE][QS2]நான் பேசி முடித்தபின்பு, நீங்கள் என்னைக் கேலிச்செய்யலாம். [QE][PBR]
4. [QS]“நான் ஜனங்களைப்பற்றிக் குறை கூறவில்லை. [QE][QS2]நான் பொறுமையாயிராததற்குத் தக்க காரணம் இருக்கிறது. [QE]
5. [QS]என்னைக் கண்டு அதிர்ச்சியடையும், [QE][QS2]உம் கையை வாயில் வைத்து, அதிர்ச்சியால் என்னைப் பாரும்! [QE]
6. [QS]எனக்கு நேர்ந்ததைப்பற்றி நான் எண்ணும் போது, [QE][QS2]நான் அஞ்சுகிறேன், என் உடம்பு நடுங்குகிறது! [QE]
7. [QS]தீயோர் ஏன் நீண்ட ஆயுளோடு வாழ்கிறார்கள்? [QE][QS2]அவர்கள் ஏன் நீண்ட ஆயுளுடையவர்களாகவும் வெற்றிபெற்றவர்களாகவும் இருக்கிறார்கள்? [QE]
8. [QS]அவர்கள் பிள்ளைகள் தங்களோடு வளர்வதைத் தீயோர் பார்க்கிறார்கள். [QE][QS2]அவர்களின் பேரப்பிள்ளைகளைப் பார்க்கும்படித் தீயோர் வாழ்கிறார்கள். [QE]
9. [QS]அவர்கள் வீடுகள் பாதுகாப்பாக உள்ளது, அவர்கள் பயப்படுவதில்லை. [QE][QS2]தீயோரைத் தண்டிப்பதற்கு தேவன் ஒரு கோலையும் பயன்படுத்துவதில்லை. [QE]
10. [QS]அவர்களின் காளைகள் புணரத் தவறுவதில்லை. [QE][QS2]அவர்களின் பசுக்கள் கன்றுகளை ஈனுகின்றன. அக்கன்றுகள் பிறக்கும்போது மடிவதில்லை. [QE]
11. [QS]ஆட்டுக்குட்டிகளைப்போல் விளையாடுவதற்குத் தீயோர் அவர்கள் குழந்தைகளை அனுப்புகிறார்கள். [QE][QS2]அவர்கள் குழந்தைகள் சுற்றிலும் நடனமாடுகிறார்கள். [QE]
12. [QS]தம்புறா, யாழ், குழல் ஆகியவற்றின் ஓசைக் கேற்ப அவர்கள் பாடி, நடனமாடுகிறார்கள். [QE]
13. [QS]தீயோர் அவர்கள் வாழ்க்கையில் வெற்றிக் காண்கிறார்கள். [QE][QS2]பின்பு, அவர்கள் மடிந்து துன்பமின்றி அவர்களின் கல்லறைக்குப் போகிறார்கள். [QE]
14. [QS]ஆனால் தீயோர் தேவனை நோக்கி, ‘எங்களை விட்டுவிடும்! [QE][QS2]நாங்கள் செய்வதற்கென நீர் விரும்புவதைப்பற்றி நாங்கள் கவலைப்படுவதில்லை!’ என்கிறார்கள். [QE]
15. [QS]தீயோர், ‘சர்வ வல்லமையுள்ள தேவன் யார்? [QE][QS2]நாம் அவருக்கு சேவை செய்யத் தேவையில்லை! [QE][QS2]அவரிடம் ஜெபிப்பது உதவாது,’ என்கிறார்கள்! [QE][PBR]
16. [QS]“அது உண்மையே, தீயோர் அவர்களாக வெற்றிக் காண்பதில்லை. [QE][QS2]அவர்கள் அறிவுரையை நான் பின்பற்ற முடியாது. [QE]
17. [QS]ஆனால், தேவன் தீயோரின் ஒளியை எத்தனை முறை அணைக்கிறார்? [QE][QS2]எத்தனை முறை தீயோருக்குத் துன்பம் நேர்கிறது? [QE][QS2]எப்போது தேவன் அவர்களிடம் கோபங்கொண்டு அவர்களைத் தண்டித்தார்? [QE]
18. [QS]காற்று புல்லைப் பறக்கடிப்பதைப் போலவும், [QE][QS2]பெருங்காற்று தானியத்தின் உமியைப் பறக்கடிப்பதைப்போலவும், தேவன் தீயோரைப் பறக்கடிக்கிறாரா? [QE]
19. [QS]ஆனால் நீங்கள், ‘தந்தையின் பாவத்திற்கென்று தேவன் ஒரு பிள்ளையைத் தண்டிக்கிறார்’ என்கிறீர்கள். [QE][QS2]இல்லை! தேவன் தாமே தீயோனைத் தண்டிக்கட்டும். அப்போது அத்தீயோன், அவன் செய்த பாவங்களுக்குத் தண்டனை பெற்றதை அறிவான்! [QE]
20. [QS]பாவம் செய்தவன் தான் பெற்ற தண்டனையைப் பார்க்கட்டும். [QE][QS2]சர்வ வல்லமையுள்ள தேவனின் கோபத்தை அவன் உணரட்டும். [QE]
21. [QS]தீயவனின் வாழ்க்கை முடியும்போது, அவன் மடிகிறான், [QE][QS2]அவன் தன் பின்னே விட்டுச் செல்லும் குடும்பத்தைப்பற்றி கவலைப்பட வேண்டியதில்லை. [QE][PBR]
22. [QS]“ஒருவனும் தேவனுக்கு அறிவைப் போதிக்க முடியாது. [QE][QS2]உயர்ந்த இடங்களிலிருக்கிற ஜனங்களையும் கூட தேவன் நியாயந்தீர்க்கிறார். [QE]
23. [QS]ஒரு முழுமையும் வெற்றிகரமுமான வாழ்க்கைக்குப் பின் ஒருவன் மரிக்கிறான். [QE][QS2]அவன் முழுக்க பாதுகாப்பான, சுகமான வாழ்க்கை வாழ்கிறான். [QE]
24. [QS]அவன் உடல் போஷாக்குடையதாக உள்ளது. [QE][QS2]அவன் எலும்புகள் இன்னும் வலிவோடு காணப்படுகின்றன. [QE]
25. [QS]ஆனால், மற்றொருவன் கடின வாழ்க்கை வாழ்ந்து, கசப்பான ஆன்மாவோடு மரிக்கிறான். [QE][QS2]அவன் நல்லவற்றில் களிப்படைந்ததில்லை. [QE]
26. [QS]இறுதியில், இருவரும் ஒருமித்து மண்ணில் கிடப்பார்கள். [QE][QS2]அவர்கள் இருவரையும் பூச்சிகள் சூழ்ந்துக்கொள்ளும். [QE][PBR]
27. [QS]“ஆனால், நீங்கள் நினைப்பதை நான் அறிவேன், [QE][QS2]என்னைத் துன்புறுத்த நீங்கள் விரும்புகிறீர்கள் என அறிவேன். [QE]
28. [QS]நீங்கள், ‘நல்லவன் ஒருவனின் வீட்டை எனக்குக் காட்டுங்கள்’ [QE][QS2]இப்போது, தீயோர் வாழுமிடத்தை எனக்குக் காட்டுங்கள் என்கிறீர்கள். [QE][PBR]
29. [QS]“நீங்கள் நிச்சயமாக பயணிகளிடம் பேசியிருக்கலாம். [QE][QS2]நிச்சயமாக நீங்கள் அவர்களின் கதைகளை ஏற்கலாம். [QE]
30. [QS]அழிவு வரும்போது தீயோர் தவிர்க்கப்பட்டுள்ளார்கள். [QE][QS2]தேவன் தமது கோபத்தைக் காட்டும்போது, அவர்கள் அதற்குத் தப்பியிருக்கிறார்கள். [QE]
31. [QS]யாரும் தீயவனை அவன் செய்த தவறுகளுக்காக அவனெதிரே விமர்சிக்கிறதில்லை. [QE][QS2]அவன் செய்த தீமைகளுக்காக ஒருவரும் அவனைத் தண்டிக்கிறதில்லை. [QE]
32. [QS]அத்தீயவனைக் கல்லறைக்குச் சுமந்துச் செல்லும்போது, [QE][QS2]அவன் கல்லறையருகே ஒரு காவலாளி நிற்கிறான். [QE]
33. [QS]எனவே பள்ளத்தாக்கின் மண்ணும் அத்தீயவனுக்கு இன்பமாயிருக்கும். [QE][QS2]அவன் கல்லறையின் அடக்கத்திற்கு ஆயிரக்கணக்கான ஜனங்கள் செல்வார்கள். [QE][PBR]
34. [QS]“நீங்கள் உங்கள் வெறுமையான வார்த்தைகளால் எனக்கு ஆறுதல் கூறமுடியாது. [QE][QS2]உங்கள் பதில்கள் எனக்கு உதவமாட்டாது!” என்றான். [QE]