1. “நான் என் சொந்த வாழ்க்கையை வெறுக்கிறேன். [QBR2] எனவே நான் தாராளமாக முறையிடுவேன். [QBR2] என் ஆத்துமா கசந்துபோயிற்று, எனவே நான் இப்போது பேசுவேன். [QBR]
2. நான் தேவனிடம், ‘என்னைக் குற்றம்சாட்டாதேயும்! [QBR2] நான் செய்தவற்றை எனக்குக் கூறும், எனக்கெதிராக உமது காரியம் என்ன?’ என்பேன். [QBR]
3. ‘தேவனே, என்னைத் துன்புறுத்துவது உமக்கு மகிழ்ச்சித் தருகிறதா? [QBR2] நீர் உண்டாக்கினதைக் குறித்து நீர் கவலைப்பட்டதாகத் தெரியவில்லை. அல்லது தீயோர் செய்த திட்டங்களில் நீர் மகிழ்ச்சிக்கொள்கிறீரா? [QBR]
4. தேவனே, உமக்கு மனிதரின் கண்கள் உண்டா? [QBR2] மனிதர் காண்பதுபோல் நீர் காரியங்களைப் பார்க்கிறீரா? [QBR]
5. எங்களைப்போல உமது வாழ்க்கையும் குறுகியதா? [QBR2] மனிதனின் வாழ்க்கையைப் போல் உமது வாழ்க்கையும் குறுகியதா? இல்லை! [QBR2] எனவே அது எப்படிப்பட்டது என்பதை எவ்வாறு அறிவீர்? [QBR]
6. எனது தவறுகளைப் பார்க்கிறீர், [QBR2] என் பாவங்களைத் தேடுகிறீர். [QBR]
7. நான் களங்கமற்றவன் என்பதை நீர் அறிந்திருந்தும் [QBR2] உமது ஆற்றலிலிருந்து தப்பித்துக்கொள்ள வழியில்லை! [QBR]
8. தேவனே, உமது கைகள் என்னை உண்டாக்கி, என் உடலுக்கு வடிவளித்தன. [QBR2] இப்போது அவை என்னை மூடிக்கொண்டு அழிக்கின்றன. [QBR]
9. தேவனே, என்னைக் களிமண்ணைப் போல உருவாக்கினீர் என நினைத்துப்பாரும் [QBR2] என்னை மீண்டும் களிமண்ணாக மாற்றுவீரா? [QBR]
10. என்னைப் பாலைப்போன்று வெளியே ஊற்றினீர். [QBR2] தயிரைக் கடைந்து வெண்ணெய் எடுப்பவனைப் போன்று என்னைக் கடைந்து உருமாற்றினீர். [QBR]
11. எலும்புகளாலும் தசைகளாலும் எனக்கு உருவளித்தீர். [QBR2] பின்னர் தோலாலும் தசையாலும் உடுத்தினீர். [QBR]
12. எனக்கு உயிரளித்தீர், என்னிடம் இரக்கமாயிருந்தீர். [QBR2] நீர் என்னை பராமரித்தீர், என் ஆவியைப் பாதுகாத்தீர். [QBR]
13. ஆனால் நீர் இதை உமது இருதயத்தில் மறைத்த வைத்திருக்கிறீர். [QBR2] நீர் இரகசியமாக உமது இருதயத்தில் திட்டமிட்டது இது என்பதை நான் அறிவேன். [QBR]
14. நான் பாவம் செய்தால், நீர் அதைக் கவனித்துக் கொண்டிருந்தீர், [QBR2] எனவே நீர் என் தவறுகளுக்கு என்னைத் தண்டிக்க முடியும். [QBR]
15. நான் பாவம் செய்யும்போது குற்றவாளியாகிறேன், அது எனக்குத் தீமையானது. [QBR2] ஆனால் நான் களங்கமற்றவனாயிருக்கும் போதும், என் தலையை உயர்த்திப்பார்க்க முடியவில்லை! [QBR2] நான் வெட்கப்பட்டு அவமானமடைந்திருக்கிறேன். [QBR]
16. எனக்கு வெற்றி கிடைத்து நான் பெருமைப்பட்டால், [QBR2] ஒருவன் சிங்கத்தை வேட்டையாடுவதைப் போல என்னை வேட்டையாடுகிறீர். [QBR2] எனக்கெதிராக உமது ஆற்றலை மீண்டும் காட்டுகிறீர். [QBR]
17. நான் தவறு செய்தேன் என்று நிறுவ உமக்கு எப்போதும் யாரேனும் கிடைப்பர். [QBR2] பல வழிகளில் உமது கோபத்தை மீண்டும் மீண்டும் வெளிப்படுத்துவீர். [QBR2] அவை எனக்கெதிராக ஒன்றன்பின் ஒன்றாக படைகளை அனுப்புவது போன்றிருக்கும். [QBR]
18. எனவே, தேவனே, ஏன் என்னைப் பிறக்க அனுமதித்தீர்? [QBR2] யாரேனும் என்னைக் காணும் முன்பே நான் மரித்திருக்க வேண்டுமென நான் விரும்புகிறேன். [QBR]
19. நான் ஒருபோதும் வாழ்ந்திருக்க வேண்டாமென விரும்புகிறேன். [QBR2] தாயின் கருவிலிருந்து நேரே கல்லறைக்கு என்னைச் சுமந்துப் போயிருக்க வேண்டுமென விரும்புகிறேன். [QBR]
20. என் வாழ்க்கை ஏறக்குறைய முடிந்துவிட்டது. [QBR2] எனவே என்னைத் தனித்து விடுங்கள்! [QBR]
21. யாரும் திரும்பிவராத, இரளும் மரணமுமுள்ள இடத்திற்கு நான் போகும் முன்பு, [QBR2] மிஞ்சியுள்ள சில காலத்தை நான் சந்தோஷமாய் அனுபவிக்க அனுமதியுங்கள். [QBR]
22. யாரும் பார்க்கமுடியாத, இருளும் நிழல்களும் குழப்பமும் நிரம்பிய இடத்திற்கு நான் போகும் முன்பு, [QBR2] மிஞ்சியுள்ள சிலகாலத்தை நான் மகிழ்ந்திருக்க அனுமதியுங்கள். [QBR2] அங்கு ஒளியும் கூட இருளாகும்’ ” என்றான். [PE]