1. {பாபிலோனுக்குத் தேவனுடைய செய்தி} [PS] “மண்ணிலே இறங்கி வந்து அங்கே உட்காரு! [QBR2] கல்தேயரின் கன்னியே தரையில் உட்காரு! [QBR] இப்போது நீ ஆள்பவள் இல்லை! [QBR2] இனிமேல் நீ மென்மையானவள் என்று உன்னை ஜனங்கள் நினைக்கமாட்டார்கள். [QBR]
2. இப்போது நீ கடினமாக வேலை செய்ய வேண்டும். [QBR2] எந்திரத்தை நீ எடுக்க வேண்டும். [QBR] தானியங்களை அரைத்து மாவாக்கு. [QBR2] உனது முக்காட்டை நீக்கிவிடு. உனது ஆடம்பர ஆடைகளை நீக்கி விடு. [QBR] உனது நாட்டை விட்டுச் சென்று விடு! [QBR2] ஆண்கள் பார்க்கும்படி உன் ஆடையைத் தொடைவரை தூக்கு, ஆறுகளைக் கடந்து போ, [QBR]
3. ஆண்கள் உனது உடலைப் பார்க்கட்டும். [QBR2] உடல் ஆசைக்கு உன்னைப் பயன்படுத்தட்டும். [QBR] நீ செய்கிற கெட்டவற்றுக்கு உன்னை விலை கொடுக்கும்படி செய்வேன். [QBR2] எந்த மனிதனும் உனக்கு உதவி செய்ய வரமாட்டான்.
4. “எனது ஜனங்கள் சொல்கிறார்கள், ‘தேவன் நம்மைக் காப்பார். [QBR2] அவரது நாமம் சர்வ வல்லமையுள்ள கர்த்தர், இஸ்ரவேலின் பரிசுத்தர்’ ”
5. “எனவே, பாபிலோனே, அங்கே உட்காரு. அமைதலாக இரு. [QBR2] கல்தேயரின் மகளே, இருளுக்குள் போ! ஏனென்றால், ‘இராஜ்யங்களின் இராணியாக இனி நீ இருக்கமாட்டாய்,’
6. “நான் எனது ஜனங்களின் மீது கோபத்தோடு இருக்கிறேன். [QBR2] அவர்கள் எனக்குச் சொந்தமானவர்கள். [QBR] ஆனால் நான் கோபமாக இருந்தேன். [QBR2] எனவே அவர்களை முக்கியமற்றவர்களாக்கினேன். [QBR] நான் அவர்களை உனக்குக் கொடுத்தேன். [QBR2] நீ அவர்களைத் தண்டித்துவிட்டாய். [QBR] நீ அவர்களுக்கு இரக்கம் காட்டவில்லை. [QBR2] வயதான ஜனங்களும் கடுமையாக வேலை செய்யும்படி நீ செய்தாய். [QBR]
7. ‘நான் என்றென்றும் வாழ்கிறேன். [QBR2] நான் எப்பொழுதும் இராணியாகவே இருப்பேன்’ என்று நீ சொன்னாய். [QBR] அந்த ஜனங்களுக்குச் செய்த கெட்டவற்றைக்கூடக் கவனிக்கவில்லை. [QBR2] என்ன நிகழும் என்று நீ நினைக்கவில்லை. [QBR]
8. எனவே, மெல்லிய இயல்புடைய பெண்ணே! [QBR2] இப்போது என்னைக் கவனி! [QBR] நீ பாதுகாப்பை உணருகிறாய், ‘நான் மட்டுமே முக்கியமானவள். என்னைப் போன்று முக்கியமானவள் எவருமில்லை. [QBR2] நான் எப்போதும் விதவை ஆவதில்லை நான் எப்போதும் பிள்ளைகளைக் கொண்டிருப்பேன்’ என்று நீ சொல்கிறாய். [QBR]
9. இந்த இரண்டும் திடீரென்று உனக்கு நிகழும். முதலில் நீ உனது பிள்ளைகளை இழப்பாய். [QBR2] பிறகு நீ உனது கணவனை இழப்பாய். [QBR] ஆம் இவை உனக்கு உண்மையில் நிகழும். [QBR2] உனது அனைத்து மந்திரங்களும் தந்திரங்களும் உன்னைக் காப்பாற்றாது. [QBR]
10. நீ கெட்டவற்றைச் செய்கிறாய். ஆனாலும் நீ பாதுகாப்பாயிருப்பதாக நினைக்கிறாய். [QBR2] நீ உனக்குள், ‘நான் செய்கிற தவறுகளை எவரும் பார்ப்பதில்லை’ என நினைக்கிறாய். [QBR] உனது ஞானமும், அறிவும் உன்னைக் காப்பாற்றும் என்று எண்ணுகிறாய். [QBR2] ‘நான் ஒருத்தி மட்டுமே, என்னைப்போன்று முக்கியமானவள் எவளுமில்லை’ என்று நீ உனக்குள் நினைக்கிறாய்.
11. “ஆனால், உனக்குத் துன்பங்கள் வரும். [QBR2] அவை எப்போது வரும் என்று உனக்குத் தெரியாது. [QBR] ஆனால் அழிவு வந்துகொண்டிருக்கிறது. [QBR2] நீ அந்தத் துன்பங்களைத் தடுத்திட எதுவும் செய்யமுடியாது! [QBR2] என்ன நடக்கிறது என்று தெரிந்துகொள்ளுமுன்னரே விரைவாக நீ அழிந்துபோவாய். [QBR]
12. உன் வாழ்வு முழுவதும் கடுமையாக உழைத்து தந்திரமும் மந்திரமும் கற்றாய். [QBR2] எனவே, உனது மந்திரத்தையும் தந்திரத்தையும் பயன்படுத்தத் தொடங்கு! [QBR] ஒருவேளை அந்தத் தந்திரங்கள் உனக்கு உதவும். [QBR2] ஒரு வேளை உன்னால் வேறு எவரையாவது பயங்காட்ட முடியும். [QBR]
13. உனக்கு ஏராளமான ஆலோசகர்கள் இருக்கிறார்கள். [QBR2] அவர்களது ஆலோசனைகளால் நீ சோர்வடைந்து விட்டாயா? [QBR] நட்சத்திரங்களை வாசிக்கிற உனது ஆட்களை வெளியே அனுப்பு. [QBR2] எப்போது மாதம் தொடங்கும் என்று அவர்களால் சொல்ல முடியும். [QBR2] உனது துன்பங்கள் எப்போது வரும் என்றும் அவர்களால் உனக்குச் சொல்ல முடியும். [QBR]
14. ஆனால், அவர்களால் தங்களைக்கூடக் காப்பாற்றிக்கொள்ள முடியாது. [QBR2] அவர்கள் பதரைப் போன்று எரிந்துபோவார்கள். [QBR] அவர்கள் விரைவாக எரிந்துபோவார்கள். அப்பம் சுடுவதற்கான கனல்கூட மீதியாகாமல் எரிந்துபோகும். [QBR2] குளிர் காய்வதற்குக் கூட நெருப்பு இல்லாமல் போகும். [QBR]
15. இதுவரை நீ கடினப்பட்டு வேலை செய்துள்ள அனைத்துக்கும் இது ஏற்படும். [QBR2] உனது வாழ்க்கை முழுவதும் எவருடன் வியாபாரம் செய்தாயோ அவர்கள் உன்னை விட்டு விலகிப்போவார்கள். [QBR] ஒவ்வொருவரும் அவரவர் வழி போவார்கள். [QBR2] உன்னைக் காப்பாற்ற எவரும் மீதியாக இருக்கமாட்டார்கள்.” [PE]