1. [PS] அப்படியானால், மற்றவர்களை விட யூதர்கள் பெற்றுள்ள சிறப்பு என்ன? விருத்தசேதனத்தால் அவர்களுக்குப் பயன் என்ன?
2. எல்லா வகையிலும் அவர்கள் பெரும்பயன் பெற்றுள்ளார்கள். முதலாவது, கடவுளின் வாக்குகள் அவர்களிடமே ஒப்படைக்கப்பட்டன.
3. ஆனால், அவர்களுள் சிலர் அவ்வாக்குகளை நம்பவில்லையே! அதனாலென்ன? அவர்கள் நம்பாதலால், கடவுள் நம்பத்தகாதவர் ஆகிவிடுவாரா?
4. ஒருபோதுமில்லை. மனிதர் எல்லாரும் பொய்யர்; கடவுளோ உண்மை உள்ளவர் என்பது தெளிவாகும். ஏனெனில், [QS][SS]“உமது சொற்களில்[SE][SS] நீதி வெளிப்படுகிறது;[SE][SS] உம் தண்டனைத் தீர்ப்புகளில்[SE][SS] வெற்றி விளங்குகிறது”[SE][PE] என மறைநூலில் எழுதியுள்ளது அன்றோ! [* திபா 51:4. ] [QE]
5. [PS] நீதியற்ற நம் நடத்தையின் மூலம் கடவுளின் நீதி வெளிப்படுமாயின் நாம் என்ன சொல்வோம்? கடவுள் சினந்தெழுந்து தண்டித்தால், அவர் நீதியற்றவர் என்போமா? — இதை நான் மனிதர் பேசும் முறையில் சொல்லுகிறேன் —
6. ஒருபோதும் இல்லை. கடவுள் நீதியற்றவர் என்றால் எப்படி அவர் உலகிற்குத் தீர்ப்பளிக்க முடியும்?
7. என் பொய்ம்மையின் மூலம் கடவுளின் வாய்மை வெளிப்படுவதோடு அவரது மாட்சியும் பெருகுமானால், இன்னும் நான் பாவி எனத் தீர்ப்பளிக்கப்படுவது ஏன்?
8. அப்படியானால், “நன்மை விளையும்படி தீமையைச் செய்வோம்” என்று சொல்லலாமே! நாங்கள் இவ்வாறு கூறுவதாகச் சிலர் எங்கள் மீது வீண்பழி சுமத்துகின்றனர். இவர்கள் தகுந்த தண்டனை பெறுவார்கள்.[PE]
9. {எல்லாரும் பாவிகள்} [PS] அப்படியானால், மற்றவர்களைவிட யூதர்களாகிய நாம் மேலானவர்களா? இல்லவே இல்லை. ஏனெனில், யூதர், கிரேக்கர் யாவரும் பாவத்துக்கு உட்பட்டிருப்பதாக ஏற்கெனவே எடுத்துரைத்தாயிற்று.
10. அவ்வாறே மறைநூலிலும் எழுதியுள்ளது: [QS][SS]“நேர்மையாளரே இல்லை,[SE][SS] ஒருவர் கூட இல்லை; [* திபா 14:1-3; 53:1-3. ] [SE][QE]
11. [QS][SS] மதிநுட்பம் உள்ளவர் ஒருவருமில்லை;[SE][SS] கடவுளைத் தேடுபவர் [BR] எவராவது உண்டோ? [* திபா 14:1-3; 53:1-3. ] [SE][QE]
12. [QS][SS] எல்லாரும் நெறிபிறழ்ந்தனர்;[SE][SS] ஒருமிக்கக் கெட்டுப்போயினர்.[SE][SS] நல்லது செய்பவர் யாருமில்லை;[SE][SS] ஒருவர்கூட இல்லை.” [* திபா 14:1-3; 53:1-3. ] [SE][QE]
13. [QS][SS] “அவர்களது தொண்டை[SE][SS] திறந்த பிணக்குழி;[SE][SS] அவர்களது நாக்கு வஞ்சகமே பேசும்.[SE][SS] அவர்கள் உதட்டில் உள்ளது [BR] விரியன் பாம்பின் நஞ்சு.” [* திபா 5:9; 140:3. ] [SE][QE]
14. [QS][SS] “அவர்கள் வாயில் சாபமும்[SE][SS] கொடுமையும் நிறைந்துள்ளது.” [* திபா 10:7. ] [SE][QE]
15. [QS][SS] “இரத்தம் சிந்துவதற்கு[SE][SS] அவர்கள் கால்கள் விரைகின்றன; [* திபா 59:7,8. ] [SE][QE]
16. [QS][SS] பாழாக்குதலும் அழிவுமே[SE][SS] அவர்கள் வழித்தடங்களில் உள்ளன; [* திபா 59:7,8. ] [SE][QE]
17. [QS][SS] அமைதி வழியை அவர்கள் அறியார்.” [* திபா 59:7,8. ] [SE][QE]
18. [QS][SS] “அவர்களது மனக்கண்களில்[SE][SS] இறையச்சம் இல்லை.” [* திபா 36:1. ] [SE][PE][QE]
19. [PS] திருச்சட்டம் சொல்வதெல்லாம் அந்தச் சட்டத்திற்கு உட்பட்டவர்களுக்குப் பொருந்தும் என நமக்குத் தெரியும். ஆகவே இவர்களும் உலக மக்கள் அனைவரும் சாக்குப்போக்குச் சொல்ல வழியின்றி இருக்கிறார்கள்.
20. ஏனெனில், திருச்சட்டம் சார்ந்த செயல்களால் எவரும் கடவுள் முன்னிலையில் ஏற்புடையவர் ஆவதில்லை. மனிதர்கள் பாவிகள் என்பதையே சட்டம் அவர்களுக்கு உணர்த்துகிறது. [* திபா 143:2; கலா 2:16. ] [PE]
21. {3.கடவுள் மனிதரைத் தமக்கு ஏற்புடையவராக்கும் முறை} [PS] இப்பொழுதோ கடவுள் மனிதரைத் தமக்கு ஏற்புடையவராக்கும் செயலுக்கும் திருச்சட்டத்துக்கும் தொடர்பில்லை என்பது வெளியாக்கப்பட்டுள்ளது; திருச்சட்டமும் இறைவாக்குகளும் இதற்குச் சான்று பகர்கின்றன.
22. இயேசு கிறிஸ்துவின்மீது கொள்ளும் நம்பிக்கையின் வழியாகக் கடவுள் மனிதரைத் தமக்கு ஏற்புடையவராக்குகிறார்; நம்பிக்கை கொள்வோர் அனைவரையுமே அவர் ஏற்புடையவராக்குகிறார். அவர் வேறுபாடு காட்டுவது இல்லை. [* கலா 2:16. ]
23. ஏனெனில், எல்லாருமே பாவம் செய்து கடவுள் கொடுத்த மேன்மையை இழந்து போயினர்.
24. ஆயினும், அனைவரும் கிறிஸ்து இயேசு நிறைவேற்றிய மீட்புச் செயலின் மூலம் கடவுளுடைய அருளால் இலவசமாய் அவருக்கு ஏற்புடையவர்கள் ஆக்கப்படுகின்றனர்.
25. இரத்தம் சிந்தி மனிதருடைய பாவத்துக்குக் கழுவாய் ஆகுமாறு இயேசுவைக் கடவுள் நியமித்தார். அவரிடம் நம்பிக்கை கொள்வோருக்காகவே அவ்வாறு செய்தார். கடவுள் கடந்த காலத்தில் மனிதர் செய்த பாவங்களைக் கண்டுகொள்ளாமல் விட்டு விட்டார். இவ்வாறு, மனிதரைத் தமக்கு ஏற்புடையவராக்கும் முறையை அவர் காட்டினார்.
26. இக்காலத்தில் தமது நீதியைக் கடவுள் பொறுமையோடு காட்டி வருகிறார். ஆம், அவர் நீதியுள்ளவர். இயேசுவின்மீது நம்பிக்கை கொள்வோரைத் தமக்கு ஏற்புடையவராக்கி வருகிறார்.[PE]
27. [PS] அப்படியிருக்க, பெருமை பாராட்ட இடமேது? இடமில்லை. எந்த அடிப்படையில் பெருமைபாராட்ட இடமில்லை? செயல்களின் அடிப்படையிலா? இல்லை; நம்பிக்கையின் அடிப்படையில்தான்.
28. ஏனெனில், திருச்சட்டம் சார்ந்த செயல்களால் அல்ல, இயேசுவின்மீது வைக்கும் நம்பிக்கையின் வாயிலாகவே எவரும் கடவுளுக்கு ஏற்புடையவராக முடியும் எனக் கருதுகிறோம்.
29. கடவுள் யூதருக்கு மட்டுமா கடவுள்? பிற இனத்தாருக்கும் அவர் கடவுள் அல்லவா? ஆம், பிற இனத்தாருக்கும் அவரே கடவுள்.
30. ஏனெனில், கடவுள் ஒருவரே. விருத்தசேதனம் பெற்றவர்களாயினும் விருத்தசேதனம் பெறாதவர்களாயினும், இயேசுவின்மீது கொள்ளும் நம்பிக்கையின் அடிப்படையில் யாவரையும் கடவுள் தமக்கு ஏற்புடையவராக்குகிறார்.
31. அப்படியானால், நம்பிக்கை தேவை என வலியுறுத்துவதன்மூலம் திருச்சட்டத்தைச் செல்லாததாக்குகிறோமா? ஒரு போதும் இல்லை. மாறாக, அவ்வாறு செய்வதன் மூலம் திருச்சட்டத்தை நிலைநாட்டுகிறோம். [* மத் 5:17; திப 24:14.. ] [PE]