சங்கீதம் 129 : 1 (TOV)
ஆரோகண சங்கீதம் என் சிறுவயது தொடங்கி அநேகந்தரம் என்னை நெருக்கினார்கள்.
சங்கீதம் 129 : 2 (TOV)
என் சிறுவயது தொடங்கி அநேகந்தரம் என்னை நெருக்கியும், என்னை மேற்கொள்ளாமற் போனார்கள்.
சங்கீதம் 129 : 3 (TOV)
உழுகிறவர்கள் என் முதுகின்மேல் உழுது, தங்கள் படைச்சால்களை நீளமாக்கினார்கள்.
சங்கீதம் 129 : 4 (TOV)
கர்த்தரோ நீதியுள்ளவர்; துன்மார்க்கருடைய கயிறுகளை அவர் அறுத்தார் என்று, இஸ்ரவேல் இப்பொழுது சொல்வதாக.
சங்கீதம் 129 : 5 (TOV)
சீயோனைப் பகைக்கிற அனைவரும் வெட்கிப் பின்னிட்டுத் திரும்பக்கடவர்கள்.
சங்கீதம் 129 : 6 (TOV)
வீட்டின்மேல் முளைக்கும் புல்லுக்கு அவர்கள் ஒப்பாவார்களாக; அது வளருமுன் உலர்ந்துபோம்.
சங்கீதம் 129 : 7 (TOV)
அறுக்கிறவன் அதினால் தன் கையையும், அரிகளைக் கட்டுகிறவன் தன் மடியையும் நிரப்புவதில்லை.
சங்கீதம் 129 : 8 (TOV)
கர்த்தருடைய ஆசீர்வாதம் உங்களுக்கு உண்டாவதாக; கர்த்தரின் நாமத்தினால் உங்களை ஆசீர்வதிக்கிறோம் என்று வழிப்போக்கர் சொல்வதுமில்லை.
❮
❯