இறைவனே, உமக்கு நன்றி செலுத்துகிறோம்; [QBR2] உமது பெயர் சமீபமாயிருப்பதால் நாங்கள் நன்றி செலுத்துகிறோம்; [QBR2] மனிதர் உமது அதிசயமான செயல்களைப்பற்றிக் கூறுகிறார்கள்.
சங்கீதம் 75 : 2 (OCVTA)
இறைவனோ, “நியமிக்கப்பட்ட காலத்தை நான் தெரிந்துகொண்டு, [QBR2] நீதியாய் நியாயந்தீர்பேன். [QBR]
சங்கீதம் 75 : 3 (OCVTA)
பூமியும் அதிலுள்ள எல்லா மக்களுடன் கரைந்துபோகின்றது; [QBR2] நான் அதின் தூண்களை உறுதியாய்ப் பிடித்துக்கொள்வேன். [QBR]
சங்கீதம் 75 : 4 (OCVTA)
அகங்காரம் உள்ளவர்களைப் பார்த்து, ‘இனிமேல் பெருமை பேசாதிருங்கள்’ என்றும், [QBR2] கொடியவர்களைப் பார்த்து, ‘உங்கள் கொம்பை உயர்த்தாதிருங்கள்’ என்றும் சொல்கிறார். [QBR]
சங்கீதம் 75 : 5 (OCVTA)
உங்கள் கொம்பை வானங்களுக்கு விரோதமாக உயர்த்தாதிருங்கள்; [QBR2] தலைக்கனம் உடையவர்களாய்ப் பேசாதிருங்கள் என்றும் சொல்கிறார். ”
சங்கீதம் 75 : 6 (OCVTA)
கிழக்கிலிருந்தோ, மேற்கிலிருந்தோ, [QBR2] அல்லது பாலைவனத்திலிருந்தோ உயர்வு வராது. [QBR]
சங்கீதம் 75 : 7 (OCVTA)
ஆனால் நியாயந்தீர்க்கிறவர் இறைவனே: [QBR2] அவர் ஒருவனைத் தாழ்த்தி இன்னொருவனை உயர்த்துகிறார். [QBR]
சங்கீதம் 75 : 8 (OCVTA)
யெகோவாவினுடைய கரத்தில் நியாயத்தீர்ப்பென்னும் [QBR2] காரசாரமான நுரைக்கின்ற திராட்சை இரசம் நிறைந்த ஒரு கிண்ணம் இருக்கிறது; [QBR] அவர் அதை ஊற்றுகிறார்; [QBR2] பூமியின் கொடியவர்கள் எல்லோரும் அதைக் கடைசிவரைக் குடிக்கிறார்கள்.
சங்கீதம் 75 : 9 (OCVTA)
நானோ, இதை எக்காலத்திலும் அறிவிப்பேன்; [QBR2] நான் யாக்கோபின் இறைவனுக்குத் துதி பாடுவேன். [QBR]
சங்கீதம் 75 : 10 (OCVTA)
“கொடியவர்களின் கொம்பாகிய பலத்தை நான் வெட்டிப்போடுவேன்; [QBR2] ஆனால் நீதிமான்களின் கொம்பாகிய பலத்தை மேலும் உயர்த்துவேன்” [QBR2] என்று இறைவன் சொல்கிறார். [PE]