நீதிமொழிகள் 21 : 1 (OCVTA)
அரசனுடைய இருதயம் யெகோவாவின் கரத்தில் நீரோடைகளைப் போலிருக்கின்றது; [QBR2] அவர் அதைத் தாம் விரும்பியவர்களிடம் நடத்துகிறார்.
நீதிமொழிகள் 21 : 2 (OCVTA)
மனிதனுடைய வழியெல்லாம் அவனுக்குச் சரியானதாகவே தோன்றும், [QBR2] ஆனால் யெகோவா இருதயத்தின் சிந்தனைகளை சோதித்து அறிகிறார்.
நீதிமொழிகள் 21 : 3 (OCVTA)
பலி செலுத்துவதைப் பார்க்கிலும், [QBR2] நியாயத்தையும் நீதியையும் செய்வதே யெகோவாவுக்கு விருப்பம்.
நீதிமொழிகள் 21 : 4 (OCVTA)
கொடியவர்களின் உழாத நிலம் என்பது, [QBR2] அவர்களின் பாவத்தை உண்டாக்கும் அகந்தையான பார்வையும் பெருமையான இருதயமுமே.
நீதிமொழிகள் 21 : 5 (OCVTA)
அவசரச்செயல் வறுமையைக் கொடுப்பது நிச்சயம், [QBR2] அதுபோலவே கடின உழைப்புள்ளவர்களின் திட்டங்கள் இலாபத்தைக் கொடுப்பதும் நிச்சயம்.
நீதிமொழிகள் 21 : 6 (OCVTA)
பொய் சொல்லி சம்பாதிக்கும் செல்வம், [QBR2] பறந்து செல்லும் நீராவியாயும் மரணக் கண்ணியாயும் இருக்கும்.
நீதிமொழிகள் 21 : 7 (OCVTA)
கொடியவர்கள் நியாயஞ்செய்ய மறுப்பதால், [QBR2] அவர்களின் வன்முறை அவர்களையே வாரிச்செல்லும்.
நீதிமொழிகள் 21 : 8 (OCVTA)
குற்றவாளிகளின் வழி கோணலானது, [QBR2] ஆனால் குற்றமற்றவர்களின் நடத்தையோ நேர்மையானது.
நீதிமொழிகள் 21 : 9 (OCVTA)
சண்டைக்கார மனைவியுடன் வீட்டில் ஒன்றாய் வாழ்வதைவிட, [QBR2] கூரையின் மூலையில் தனித்து வாழ்வது சிறந்தது.
நீதிமொழிகள் 21 : 10 (OCVTA)
கொடியவர்கள் தீமையை விரும்புகிறார்கள்; [QBR2] தமக்கு அடுத்திருப்போரை இரக்கத்தோடு பார்க்கமாட்டார்கள்.
நீதிமொழிகள் 21 : 11 (OCVTA)
ஏளனம் செய்பவர்கள் தண்டிக்கப்படும்போது, அறிவற்றவர்கள் ஞானத்தைப் பெற்றுக்கொள்கிறார்கள்; [QBR2] ஞானமுள்ளவர்களுக்குப் போதிக்கும்போது, அவர்கள் அறிவைப் பெற்றுக்கொள்கிறார்கள்.
நீதிமொழிகள் 21 : 12 (OCVTA)
நீதிபரரான இறைவன் கொடியவர்களின் வீட்டைக் கவனித்துப் பார்த்து, [QBR2] கொடியவர்களை தண்டிக்கிறார்.
நீதிமொழிகள் 21 : 13 (OCVTA)
ஏழைகளின் அழுகைக்குச் செவிகொடுக்காதவர்களுக்கு [QBR2] தாங்கள் அழும்பொழுது பதில் கிடைக்காது.
நீதிமொழிகள் 21 : 14 (OCVTA)
இரகசியமாய் கொடுக்கும் அன்பளிப்பு கோபத்தைத் தணிக்கும்; [QBR2] அங்கியில் மறைத்துக் கொடுக்கும் இலஞ்சம் கடுஞ்சீற்றத்தைக் குறைக்கும்.
நீதிமொழிகள் 21 : 15 (OCVTA)
நீதி செய்யப்படும்போது, அது நீதிமான்களுக்கு மகிழ்ச்சியைக் கொடுக்கிறது, [QBR2] ஆனால் தீயவர்களுக்கு பயமுண்டாக்கும்.
நீதிமொழிகள் 21 : 16 (OCVTA)
விவேகத்தின் பாதையைவிட்டு விலகிச்செல்பவர்கள், [QBR2] முடிவில் இறந்தவர்களின் கூட்டத்தில் சேருவார்கள்.
நீதிமொழிகள் 21 : 17 (OCVTA)
சிற்றின்பத்தை தேடுகிறவர்கள் ஏழையாவார்கள்; [QBR2] திராட்சைரசத்தையும் ஆடம்பரத்தையும் விரும்புகிறவர்கள் ஒருபோதும் செல்வந்தராவதில்லை.
நீதிமொழிகள் 21 : 18 (OCVTA)
கொடியவர்கள் நீதிமான்களையும், [QBR2] துரோகிகள் நேர்மையுள்ளவர்களையும் மீட்கும் பணயப் பொருளாவார்கள்.
நீதிமொழிகள் 21 : 19 (OCVTA)
சண்டைக்காரியும் கோபக்காரியுமான மனைவியுடன் வாழ்வதைவிட, [QBR2] பாலைவனத்தில் வாழ்வது சிறந்தது.
நீதிமொழிகள் 21 : 20 (OCVTA)
சிறந்த உணவும் எண்ணெயும் ஞானமுள்ளோர் வீட்டில் இருக்கும்; [QBR2] மூடர்களோ எல்லாவற்றையும் தின்று குடித்து அழித்துவிடுவார்கள்.
நீதிமொழிகள் 21 : 21 (OCVTA)
நீதியாகவும் அன்பாகவும் இருக்க விரும்புகிறவர்கள், [QBR2] வாழ்வையும் செழிப்பையும், மதிப்பையும் பெறுவார்கள்.
நீதிமொழிகள் 21 : 22 (OCVTA)
ஞானமுள்ளவர்கள் பலவான்களின் பட்டணத்தைத் தாக்கி, [QBR2] அவர்கள் நம்பியிருக்கும் கோட்டையையும் இடித்துப் போடுவார்கள்.
நீதிமொழிகள் 21 : 23 (OCVTA)
தங்கள் வாயையும் நாவையும் காத்துக்கொள்கிறவர்கள் [QBR2] பேரழிவிலிருந்து தங்களைக் காத்துக்கொள்கிறார்கள்.
நீதிமொழிகள் 21 : 24 (OCVTA)
அகந்தையும் இறுமாப்பும் உள்ளவர்களுக்கு, “ஏளனக்காரர்கள்” என்று பெயர், [QBR2] அவர்கள் எல்லையற்ற ஆணவத்துடன் நடந்துகொள்கிறார்கள்.
நீதிமொழிகள் 21 : 25 (OCVTA)
சோம்பேறியின் கைகள் வேலைசெய்ய மறுப்பதால், [QBR2] அவர்களின் ஆசையினால் அவர்கள் அழிவார்கள். [QBR]
நீதிமொழிகள் 21 : 26 (OCVTA)
அவர்களுடைய பேராசை நாளுக்குநாள் அதிகரித்துக் கொண்டேயிருக்கிறது; [QBR2] ஆனால் நீதிமான்களோ, தாராளமாய்க் கொடுத்துக்கொண்டே இருப்பார்கள்.
நீதிமொழிகள் 21 : 27 (OCVTA)
கொடியவர்கள் செலுத்தும் பலி அருவருப்பானது; [QBR2] அது தீயநோக்கத்துடன் செலுத்தப்படுமானால், அது இன்னும் எவ்வளவு அதிக அருவருப்பாயிருக்கும்!
நீதிமொழிகள் 21 : 28 (OCVTA)
பொய்ச்சாட்சி கூறுபவர்கள் அழிந்துபோவார்கள்; [QBR2] ஆனால் கவனமாய்க் கேட்பவர்கள் வெற்றிகரமாக சாட்சியளிப்பார்.
நீதிமொழிகள் 21 : 29 (OCVTA)
கொடியவர்கள் தங்களைத் துணிச்சல்காரர்களாய் காண்பிக்கிறார்கள்; [QBR2] ஆனால் நேர்மையுள்ளவர்கள் தங்கள் வழிகளைச் சிந்தித்துப் பார்க்கிறார்கள்.
நீதிமொழிகள் 21 : 30 (OCVTA)
யெகோவாவுக்கு எதிராக வெற்றியளிக்கக்கூடிய [QBR2] ஞானமோ, நுண்ணறிவோ, திட்டமோ எதுவும் இல்லை.
நீதிமொழிகள் 21 : 31 (OCVTA)
போரின் நாளுக்காக குதிரை ஆயத்தமாக்கப்பட்டிருக்கிறது, [QBR2] ஆனால் வெற்றியோ யெகோவாவினுடையது. [PE]
❮
❯