Tamil Bible Presentation Sharing - Numbers Book, chapter 2, verse 20 in Ocvta Version

எண்ணாகமம் 2 : 1 (OCVTA)

கோத்திர முகாம்களின் ஒழுங்குமுறை யெகோவா மோசேயிடமும் ஆரோனிடமும் சொன்னதாவது:

எண்ணாகமம் 2 : 2 (OCVTA)

“இஸ்ரயேலர் சபைக் கூடாரத்தைச் சுற்றி சற்றுத் தொலைவில் தங்கள் முகாம்களை அமைக்கவேண்டும். ஒவ்வொருவனும் தன்தன் சின்னத்தின்கீழ் குடும்பத்தின் கொடியுடன் இருக்கவேண்டும்.”

எண்ணாகமம் 2 : 3 (OCVTA)

சூரிய உதயத்தை நோக்கிய கிழக்குப் பக்கத்தில், யூதாவின் முகாம் பிரிவுகள் தங்கள் சின்னத்தின்கீழ் முகாமிடவேண்டும். அம்மினதாபின் மகன் நகசோன், யூதா மக்களின் தலைவன்.

எண்ணாகமம் 2 : 4 (OCVTA)

அவனுடைய பிரிவின் தொகை 74,600 பேர்.

எண்ணாகமம் 2 : 5 (OCVTA)

இசக்காரின் கோத்திரத்தார் அவர்களுக்கு அருகில் முகாமிடவேண்டும். சூவாரின் மகன் நெதனெயேல், இசக்கார் மக்களுக்குத் தலைவன்.

எண்ணாகமம் 2 : 6 (OCVTA)

அவனுடைய பிரிவின் தொகை 54,400 பேர்.

எண்ணாகமம் 2 : 7 (OCVTA)

செபுலோனின் கோத்திரம் அடுத்ததாக இருக்கும். ஏலோனின் மகன் எலியாப், செபுலோன் மக்களுக்குத் தலைவன்.

எண்ணாகமம் 2 : 8 (OCVTA)

அவனுடைய பிரிவின் தொகை 57,400 பேர்.

எண்ணாகமம் 2 : 9 (OCVTA)

யூதாவின் பக்கத்துக்கு அவர்களுடைய பிரிவுகளின்படி நியமிக்கப்பட்ட எல்லா மனிதரும் 1,86,400 பேர். அவர்களே முதலில் புறப்படுவார்கள்.

எண்ணாகமம் 2 : 10 (OCVTA)

தென்புறத்தில் ரூபனின் முகாம் பிரிவுகள், தங்கள் சின்னத்தின்கீழ் இருக்கும். சேதேயூரின் மகன் எலிசூர், ரூபன் மக்களுக்குத் தலைவன்.

எண்ணாகமம் 2 : 11 (OCVTA)

அவனுடைய பிரிவின் தொகை 46,500 பேர்.

எண்ணாகமம் 2 : 12 (OCVTA)

சிமியோன் கோத்திரம் அவர்களை அடுத்து முகாமிடவேண்டும். சூரிஷதாயின் மகன் செலூமியேல் சிமியோன் மக்களுக்குத் தலைவன்.

எண்ணாகமம் 2 : 13 (OCVTA)

அவனுடைய பிரிவின் தொகை 59,300 பேர்.

எண்ணாகமம் 2 : 14 (OCVTA)

காத் கோத்திரம் அடுத்ததாக இருக்கும். தேகுயேலின் மகன் எலியாசாப், காத் மக்களுக்குத் தலைவன்.

எண்ணாகமம் 2 : 15 (OCVTA)

அவனுடைய பிரிவின் தொகை 45,650 பேர்.

எண்ணாகமம் 2 : 16 (OCVTA)

ரூபனுடைய பக்கத்துக்கு அவர்களுடைய பிரிவுகளின்படி நியமிக்கப்பட்ட எல்லா மனிதரும் 1,51,450 பேர். அவர்கள் இரண்டாவதாகப் புறப்படுவார்கள்.

எண்ணாகமம் 2 : 17 (OCVTA)

சபைக் கூடாரமும், லேவியரின் முகாமும் மற்ற முகாம்களுக்கு நடுவிலிருந்து புறப்படும். அவர்கள் தாம் முகாமிட்ட அதே ஒழுங்கின்படி ஒவ்வொருவரும் தன்தன் சின்னத்தின் கீழாகப் போவார்கள்.

எண்ணாகமம் 2 : 18 (OCVTA)

மேற்குப் பக்கத்தில் எப்பிராயீமின் முகாமின் பிரிவுகள், தங்கள் கொடியின்கீழ் இருக்கும். அம்மியூதின் மகன் எலிஷாமா, எப்பிராயீம் மக்களுக்குத் தலைவன்.

எண்ணாகமம் 2 : 19 (OCVTA)

அவனுடைய பிரிவின் தொகை 40,500 பேர்.

எண்ணாகமம் 2 : 20 (OCVTA)

மனாசே கோத்திரம் அவர்களுக்கு அடுத்ததாக இருக்கும். பெதாசூரின் மகன் கமாலியேல், மனாசே மக்களுக்குத் தலைவன்.

எண்ணாகமம் 2 : 21 (OCVTA)

அவனுடைய பிரிவின் தொகை 32,200 பேர்.

எண்ணாகமம் 2 : 22 (OCVTA)

பென்யமீன் கோத்திரம் அதற்கு அடுத்ததாக இருக்கும். கீதெயோனின் மகன் அபீதான், பென்யமீன் மக்களுக்குத் தலைவன்.

எண்ணாகமம் 2 : 23 (OCVTA)

அவனுடைய பிரிவின் தொகை 35,400 பேர்.

எண்ணாகமம் 2 : 24 (OCVTA)

எப்பிராயீமின் பக்கத்திற்கு அவர்களுடைய பிரிவுகளின்படி நியமிக்கப்பட்ட எல்லா மனிதரும் 1,08,100 பேர். அவர்கள் மூன்றாவதாகப் புறப்படுவார்கள்.

எண்ணாகமம் 2 : 25 (OCVTA)

வடக்குப் பக்கத்தில் தாண் முகாமின் பிரிவுகள் தங்கள் சின்னத்தின்கீழ் இருக்கும். அம்மிஷதாயின் மகன் அகியேசேர், தாண் மக்களுக்குத் தலைவன்.

எண்ணாகமம் 2 : 26 (OCVTA)

அவனுடைய பிரிவின் தொகை 62,700 பேர்.

எண்ணாகமம் 2 : 27 (OCVTA)

ஆசேர் கோத்திரம் அவர்களை அடுத்ததாக முகாமிடவேண்டும். ஓகிரானின் மகன் பாகியேல், ஆசேர் மக்களுக்குத் தலைவன்.

எண்ணாகமம் 2 : 28 (OCVTA)

அவனுடைய பிரிவின் தொகை 41,500 பேர்.

எண்ணாகமம் 2 : 29 (OCVTA)

நப்தலி கோத்திரம் அடுத்ததாக இருக்கும். ஏனானின் மகன் அகீரா, நப்தலி மக்களுக்குத் தலைவன்.

எண்ணாகமம் 2 : 30 (OCVTA)

அவனுடைய பிரிவின் தொகை 53,400 பேர்.

எண்ணாகமம் 2 : 31 (OCVTA)

தாணின் பக்கத்திற்கு நியமிக்கப்பட்ட மனிதர்களின் மொத்தத்தொகை 1,57,600 பேர். அவர்கள் கடைசியாக தங்கள் கொடிகளின் கீழ் புறப்படுவார்கள்.

எண்ணாகமம் 2 : 32 (OCVTA)

அவரவருடைய குடும்பங்களின்படி கணக்கிடப்பட்ட இஸ்ரயேலர்கள் இவர்களே. அவர்களுடைய பிரிவுகளின்படி முகாம்களில் இருந்த எல்லோருடைய எண்ணிக்கை 6,03,550 பேர்.

எண்ணாகமம் 2 : 33 (OCVTA)

ஆனாலும், யெகோவா மோசேக்குக் கட்டளையிட்டபடி, லேவியர் மற்ற இஸ்ரயேலருடன் கணக்கிடப்படவில்லை.

எண்ணாகமம் 2 : 34 (OCVTA)

அப்படியே யெகோவா மோசேக்குக் கட்டளையிட்ட எல்லாவற்றையும் இஸ்ரயேலர் செய்தார்கள். அந்த முறையாக அவர்கள் தங்கள் கொடிகளின் கீழே முகாமிட்டு இருந்தார்கள். அவ்விதமாகவே அவர்கள் போகும்போது ஒவ்வொருவரும் தன் வம்சத்துடனும், குடும்பத்துடனும் புறப்பட்டார்கள்.