{இஸ்ரயேலின் பாவம்} [PS] யெகோவா சொல்வது இதுவே: [QBR] “உங்கள் தாயை நான் விவாகரத்துச் செய்து அனுப்பியபோது, [QBR2] அவளுக்குக் கொடுத்த விவாகரத்துச் சீட்டு எங்கே? [QBR] அல்லது எனக்குக் கடன் கொடுத்தவர்களில் யாருக்காவது நான் உங்களை விற்றேனா? [QBR2] உங்கள் பாவங்களின் காரணமாகவே நீங்கள் விற்கப்பட்டீர்கள். [QBR] உங்கள் மீறுதல்களின் காரணமாகவே [QBR2] உங்களுடைய தாயும் துரத்திவிடப்பட்டாள். [QBR]

நான் வந்தபோது ஒருவரும் இருக்கவில்லையே; [QBR2] அது ஏன்? நான் கூப்பிட்டபோது, ஒருவரும் பதில் கூறவில்லையே; அது ஏன்? [QBR] உங்களை மீட்க முடியாதபடி என் கை மிகக் குறுகியதாயிருந்ததோ? [QBR2] அல்லது உங்களை விடுவிக்க எனக்கு வலிமையில்லையோ? [QBR] நான் சிறு அதட்டலினால் கடலை வற்றப்பண்ணுகிறேன்; [QBR2] நான் ஆறுகளைப் பாலைவனமாக மாற்றுகிறேன். [QBR] தண்ணீர் இல்லாததால், அவர்களுடைய மீன்கள் நாறுகின்றன; [QBR2] தாகத்தால் அவை சாகின்றன. [QBR]

நான் ஆகாயத்தை இருளால் உடுத்தி, [QBR2] துக்கவுடையை அதன் போர்வையாக்குகிறேன்.”

இளைத்துப்போனவனை உற்சாகப்படுத்தும்படி, என்ன வார்த்தையை சொல்ல [QBR2] நான் அறிந்திட ஆண்டவராகிய யெகோவா போதிக்கும் நாவை எனக்குக் கொடுத்திருக்கிறார்; [QBR] காலைதோறும் அவர் என்னை எழுப்புகிறார், [QBR2] ஒரு சீடனைப்போல் நான் கவனமாய் கேட்கும்படி [QBR2] அவர் எனது செவிப் புலனைத் தட்டி எழுப்புகிறார். [QBR]

ஆண்டவராகிய யெகோவா எனது செவியைத் திறந்திருக்கிறார்; [QBR2] நான் கீழ்ப்படியாமல் இருக்கவில்லை, [QBR2] அவரைவிட்டு நான் விலகவுமில்லை. [QBR]

என்னை அடிக்கிறவர்களுக்கு எனது முதுகைக் கொடுத்தேன், [QBR2] எனது தாடியைப் பிடுங்குகிறவர்களுக்கு என்னுடைய தாடைகளைக் கொடுத்தேன்; [QBR] அவர்கள் ஏளனம் செய்தபோதும், [QBR2] உமிழ்நீரைத் துப்பியபோதும் அதற்கு என் முகத்தை நான் மறைக்கவில்லை. [QBR]

யெகோவாவாகிய ஆண்டவர் எனக்கு உதவி செய்கிறபடியால், [QBR2] நான் அவமானம் அடையமாட்டேன். [QBR] ஆகையால் என் முகத்தைக் கற்பாறையைப்போல் வைத்துக்கொள்கிறேன்; [QBR2] நான் வெட்கப்பட்டுப் போவதில்லை என்பதும் எனக்குத் தெரியும். [QBR]

எனக்கு நீதி அளிக்கும் இறைவன் என் அருகில் இருக்கிறார். [QBR2] அப்படியிருக்க, எனக்கெதிராகக் குற்றச்சாட்டுகள் கொண்டுவருபவன் யார்? [QBR2] நேருக்குநேர் சந்திப்போம்! [QBR] என்னைக் குற்றம் சாட்டுபவன் யார்? [QBR2] அவன் எனக்கு முன்னே வரட்டும். [QBR]

ஆண்டவராகிய யெகோவாவே எனக்கு உதவி செய்கிறார். [QBR2] என்னைக் குற்றவாளியாகத் தீர்க்கிறவர்கள் யார்? [QBR] அவர்கள் எல்லோரும் பொலிவிழந்து [QBR2] பூச்சிகள் அரித்த உடையைப்போல் இத்துப்போவார்கள்.

உங்களுக்குள் யெகோவாவுக்குப் பயந்து நடந்து, [QBR2] அவரது பணியாளனின் வார்த்தைக்குக் கீழ்ப்படிகிறவன் யார்? [QBR] வெளிச்சம் இல்லாதவனாய் [QBR2] இருளில் நடக்கிறவன், [QBR] யெகோவாவின் பெயரில் நம்பிக்கை வைத்து, [QBR2] தன் இறைவனில் சார்ந்திருக்கட்டும். [QBR]

ஆனால் இப்பொழுதோ, நெருப்பை மூட்டி உங்களுக்கென்று [QBR2] எரிகின்ற பந்தங்களை உண்டாக்கிக்கொள்கிற பாவிகளே! [QBR] நீங்கள் எல்லோரும் போய், உங்கள் நெருப்பின் வெளிச்சத்திலே நடவுங்கள். [QBR2] நீங்கள் பற்றவைத்த பந்தங்களின் வெளிச்சத்திலே நடவுங்கள். [QBR] அப்பொழுது என்னுடைய கரத்திலிருந்து பெற்றுக்கொள்வது இதுவே, [QBR2] நீங்கள் வேதனையிலே கிடப்பீர்கள். [PE]