எபிரேயர் 8 : 1 (OCVTA)
{புதிய உடன்படிக்கையின் பிரதான ஆசாரியர்} [PS] நாங்கள் சொல்வதன் முக்கியமான கருத்து என்னவெனில், நமக்கு அப்படிப்பட்ட பிரதான ஆசாரியர் ஒருவர் இருக்கிறார். அவர் பரலோகத்தில் உன்னதமான இறைவனுடைய அரியணையின் வலதுபக்கத்தில் அமர்ந்திருக்கிறார்.
எபிரேயர் 8 : 2 (OCVTA)
கிறிஸ்துவாகிய இவர் அங்கே, பரலோகத்தில் பரிசுத்த இடத்தில் ஊழியம் செய்கிறார். இது கர்த்தரால் ஏற்படுத்தப்பட்ட உண்மையான இறைசமுகக் கூடாரம். இது மனிதரால் ஏற்படுத்தப்பட்டதல்ல. [PE][PS]
எபிரேயர் 8 : 3 (OCVTA)
காணிக்கைகளையும் பலிகளையும் செலுத்துவதற்காகவே ஒவ்வொரு பிரதான ஆசாரியனும் நியமிக்கப்படுகிறான். எனவே இயேசுவும் செலுத்தும்படி, ஏதோ ஒன்றைத் தம்மிடத்தில் வைத்திருக்க வேண்டியிருந்தது.
எபிரேயர் 8 : 4 (OCVTA)
அவர் பூமியில் இருந்திருந்தால், ஒரு ஆசாரியனாய் இருந்திருக்கமாட்டார். ஏனெனில், மோசேயின் சட்டத்தில் குறிப்பிட்டிருக்கிறபடி, காணிக்கைகளைச் செலுத்துகிற ஆசாரியர்கள் ஏற்கெனவே இருக்கிறார்கள்.
எபிரேயர் 8 : 5 (OCVTA)
அவர்கள் பரலோகத்திலுள்ள, உண்மையான பரிசுத்த இடத்தின் மாதிரியாகவும், நிழலாகவும் இங்கே இருக்கின்ற ஒரு பரிசுத்த இடத்திலேயே ஊழியம் செய்கிறார்கள். இதனாலேயே மோசே, அந்த இறைசமுகக் கூடாரத்தை அமைக்கத் தொடங்குமுன், அவனுக்கு இறைவன்: “மலையின்மேல் உனக்குக் காண்பிக்கப்பட்ட அந்த மாதிரியின்படியே எல்லாவற்றையும் செய்யும்படி நீ கவனமாயிரு” [*யாத். 25:40] என்று எச்சரிக்கை கொடுத்தார்.
எபிரேயர் 8 : 6 (OCVTA)
இயேசு பெற்றுக்கொண்ட ஊழியம் முந்தைய ஆசாரியர்களின் ஊழியத்தைவிட மேன்மையானது. ஏனெனில், இயேசுவை நடுவராகக் கொண்ட புதிய உடன்படிக்கை, மேன்மையான வாக்குத்தத்தங்களைக் கொண்டு ஏற்படுத்தப்பட்டது, அதினால், அது பழைய உடன்படிக்கையைப் பார்க்கிலும் சிறந்ததாயிருக்கிறது. [PE][PS]
எபிரேயர் 8 : 7 (OCVTA)
ஏனெனில், முதலாவது உடன்படிக்கை குறையற்றதாய் இருந்தால், இரண்டாவது உடன்படிக்கைக்கு அவசியம் ஏற்பட்டிருக்காது.
எபிரேயர் 8 : 8 (OCVTA)
ஆனால், இறைவனோ மக்களில் குறைபாட்டைக் கண்டதினாலேயே: [QBR] “கர்த்தர் அறிவிக்கிறதாவது, [QBR2] இஸ்ரயேல் குடும்பத்தோடும், [QBR] யூதா குடும்பத்தோடும் [QBR2] நான் புதிய உடன்படிக்கையைச் செய்துகொள்ளும் நாட்கள் வருகிறது. [QBR]
எபிரேயர் 8 : 9 (OCVTA)
நான் அவர்களுடைய முற்பிதாக்களை என்னுடைய கரத்தினால் [QBR] எகிப்திலிருந்து வெளியே வழிநடத்திக் கொண்டுவந்தபோது, [QBR2] நான் அவர்களுடன் செய்த உடன்படிக்கையைப்போல் இருப்பதில்லை; [QBR2] ஏனெனில், அவர்கள் என் உடன்படிக்கையில் நிலைத்திருக்கவில்லை. [QBR] அதனால் நான், அவர்கள்மேல் கவனம் செலுத்தாமல் இருந்தேன், [QBR2] என்று கர்த்தர் அறிவிக்கிறார். [QBR]
எபிரேயர் 8 : 10 (OCVTA)
அந்த நாட்களுக்குப்பின்பு, [QBR2] நான் இஸ்ரயேல் குடும்பத்துடன் செய்துகொள்ளும் உடன்படிக்கை இதுவே [QBR2] என்று கர்த்தர் அறிவிக்கிறார். [QBR] நான் எனது சட்டங்களை அவர்களுடைய மனங்களில் வைப்பேன். [QBR2] அவற்றை அவர்களுடைய இருதயங்களில் எழுதுவேன். [QBR] நான் அவர்களுடைய இறைவனாய் இருப்பேன். [QBR2] அவர்கள் எனது மக்களாய் இருப்பார்கள். [QBR]
எபிரேயர் 8 : 11 (OCVTA)
இனிமேல் ஒருவன் தன் அயலானுக்கோ, [QBR2] அல்லது தன் சகோதரனுக்கோ, ‘கர்த்தரை அறிந்துகொள்’ [QBR2] என்று போதிக்க வேண்டியிருக்காது. [QBR] ஏனெனில், சிறியவர்களிலிருந்து பெரியவர்கள்வரை [QBR2] எல்லோரும் என்னை அறிந்துகொள்வார்கள். [QBR]
எபிரேயர் 8 : 12 (OCVTA)
நான் அவர்களுடைய அநியாயங்களை மன்னிப்பேன். [QBR2] அவர்களுடைய பாவங்களை ஒருபோதும் ஞாபகத்தில் வைத்திருக்கமாட்டேன்.” [†எரே. 31:31-34] [PE][PS]
எபிரேயர் 8 : 13 (OCVTA)
இந்த உடன்படிக்கையை “புதியது,” என்று சொல்கிறதினாலே, அவர் முதலாவது உடன்படிக்கையை பழமையாக்கினார். எனவே அது பழமையானதும், நாள்பட்டதும், மறைந்து போகிறதுமாயிற்று. [PE]
❮
❯