யாத்திராகமம் 25 : 1 (OCVTA)
{#1இறைசமுகக் கூடார காணிக்கைகள் } [PS]யெகோவா மோசேயிடம் சொன்னதாவது:
யாத்திராகமம் 25 : 2 (OCVTA)
“எனக்குக் காணிக்கை கொண்டுவரும்படி இஸ்ரயேல் மக்களுக்குச் சொல். உள்ளத்தில் ஆர்வத்துடன் கொடுக்கும் ஒவ்வொருவனிடமிருந்தும் காணிக்கையை எனக்காக நீ ஏற்றுக்கொள்ளவேண்டும். [PE][PBR]
யாத்திராகமம் 25 : 3 (OCVTA)
[LS4] “நீ அவர்களிடம் வாங்க வேண்டிய காணிக்கைகள் இவையே: [LE][PBR] [LS]“தங்கம், வெள்ளி, வெண்கலம்; [LE]
யாத்திராகமம் 25 : 4 (OCVTA)
[LS] நீலம், ஊதா, கருஞ்சிவப்புநூல், மென்பட்டுத் துணி; [LE][LS]வெள்ளாட்டு உரோமம், [LE]
யாத்திராகமம் 25 : 5 (OCVTA)
[LS] சிவப்புச் சாயம் தோய்ந்த செம்மறியாட்டுக் கடாவின் தோல், கடல்பசுவின் தோல்[* கடல்நீரில் வாழும் ஒருவகை விலங்கின் தோல் ]; [LE][LS]சித்தீம் மரம்; [LE]
யாத்திராகமம் 25 : 6 (OCVTA)
[LS] வெளிச்சத்திற்கான ஒலிவ எண்ணெய்; [LE][LS]அபிஷேக எண்ணெய்க்கும் நறுமண தூபத்திற்குமான வாசனைப் பொருட்கள்; [LE]
யாத்திராகமம் 25 : 7 (OCVTA)
[LS] ஏபோத்திலும்,[† பிரதான ஆசாரியன் அணிந்திருந்த கவசம் போன்ற மேலாடை. ] மார்புப் பதக்கத்திலும் பதிப்பதற்கான கோமேதகக் கற்கள் மற்றும் இரத்தினக் கற்கள் ஆகியவையே. [LE][PBR]
யாத்திராகமம் 25 : 8 (OCVTA)
[PS]“அதன்பின் அவர்கள் எனக்காக ஒரு பரிசுத்த இடத்தை அமைக்கட்டும். நான் அவர்கள் மத்தியில் குடியிருப்பேன்.
யாத்திராகமம் 25 : 9 (OCVTA)
இந்த இறைசமுகக் கூடாரத்தையும், அதன் எல்லா பணிமுட்டுகளையும் நான் உனக்குக் காட்டும் மாதிரியின்படியே செய்யவேண்டும். [PE]
யாத்திராகமம் 25 : 10 (OCVTA)
{#1உடன்படிக்கைப்பெட்டி } [PS]“அவர்கள் சித்தீம் மரத்தால் ஒரு பெட்டியைச் செய்யவேண்டும். அதன் நீளம் இரண்டரை முழமும், அகலம் ஒன்றரை முழமும், உயரம் ஒன்றரை முழமுமாக இருக்கவேண்டும்.
யாத்திராகமம் 25 : 11 (OCVTA)
நீ அந்தப் பெட்டியை, உள்ளேயும் வெளியேயும் சுத்தத் தங்கத்தகட்டால் மூடவேண்டும். அதைச் சுற்றிலும் தங்கத்தினாலான ஒரு விளிம்புச்சட்டத்தைச் செய்யவேண்டும்.
யாத்திராகமம் 25 : 12 (OCVTA)
தங்கத்தினால் நான்கு வளையங்கள் வார்ப்பித்து, அவற்றை அதன் நான்கு கால்களிலும் பொருத்து. அவைகள் ஒரு பக்கத்தில் இரண்டும், மறுபக்கத்தில் இரண்டும் பொருத்தப்பட வேண்டும்.
யாத்திராகமம் 25 : 13 (OCVTA)
சித்தீம் மரத்தினால் கம்புகளைச் செய்து, அவற்றைச் சுத்தத் தங்கத் தகட்டினால் மூடவேண்டும்.
யாத்திராகமம் 25 : 14 (OCVTA)
பெட்டியைச் சுமப்பதற்கு, அந்தக் கம்புகளை பெட்டியின் பக்கங்களில் இருக்கும் வளையங்களில் மாட்டிவை.
யாத்திராகமம் 25 : 15 (OCVTA)
பெட்டியின் வளையங்களிலேயே அந்தக் கம்புகள் இருக்கவேண்டும். அவைகள் அகற்றப்படாமல் அப்படியே இருக்கவேண்டும்.
யாத்திராகமம் 25 : 16 (OCVTA)
நான் உனக்குத் தரப்போகும் சாட்சிப்பிரமாணத்தை[‡ சாட்சிப்பிரமாணத்தை அல்லது உடன்படிக்கை. ] அந்தப் பெட்டிக்குள் வை. [PE]
யாத்திராகமம் 25 : 17 (OCVTA)
[PS]“சுத்தத் தங்கத்தினால் ஒரு கிருபாசனத்தைச் செய்யவேண்டும். அது இரண்டரை முழம் நீளமும், ஒன்றரை முழம் அகலமுமாயிருக்க வேண்டும்.
யாத்திராகமம் 25 : 18 (OCVTA)
அதன் இரு முனைகளிலும் தங்கத்தகட்டால் இரண்டு கேருபீன்களைச் செய்யவேண்டும்.
யாத்திராகமம் 25 : 19 (OCVTA)
ஒரு கேருபீனை ஒரு முனையிலும், இன்னொன்றை மறு முனையிலும் செய்யவேண்டும். கிருபாசனத்தின் இரண்டு முனைகளிலும் கேருபீன்கள் அமையும்படி, ஒரே தகட்டினாலேயே அவற்றைச் செய்யவேண்டும்.
யாத்திராகமம் 25 : 20 (OCVTA)
அந்தக் கேருபீன்களின் சிறகுகள் கிருபாசனத்தை மூடியபடி மேல்நோக்கி விரிந்திருக்க வேண்டும். அந்த கேருபீன்கள் கிருபாசனத்தைப் பார்த்தபடி ஒன்றுக்கொன்று எதிரெதிராக இருக்கவேண்டும்.
யாத்திராகமம் 25 : 21 (OCVTA)
கிருபாசனத்தைப் பெட்டியின்மேல் வை. நான் உனக்குக் கொடுக்கப்போகும் சாட்சியத்தை பெட்டிக்குள் வை.
யாத்திராகமம் 25 : 22 (OCVTA)
அங்கே கிருபாசனத்தின் மேலும் சாட்சிப்பெட்டியின்மேலும் இருக்கும் இரண்டு கேருபீன்களுக்கிடையில் நான் உன்னைச் சந்தித்து, இஸ்ரயேலருக்கான எல்லா கட்டளைகளையும் உன்னிடம் கொடுப்பேன். [PE]
யாத்திராகமம் 25 : 23 (OCVTA)
{#1மேஜை } [PS]“மேலும் சித்தீம் மரத்தினால் ஒரு மேஜையைச் செய்யவேண்டும். அது இரண்டு முழம் நீளமும், ஒரு முழம் அகலமும், ஒன்றரை முழம் உயரமுமாய் இருக்கவேண்டும்.
யாத்திராகமம் 25 : 24 (OCVTA)
அதைச் சுத்தமான தங்கத்தகட்டால் மூடி, அதைச் சுற்றிலும் தங்க விளிம்புச்சட்டத்தைச் செய்யவேண்டும்.
யாத்திராகமம் 25 : 25 (OCVTA)
அத்துடன் அதைச் சுற்றிலும் நான்கு விரலளவு அகலமான ஒரு சட்டத்தைச் செய்து, அதன்மேல் தங்க விளிம்புச்சட்டத்தை இணை.
யாத்திராகமம் 25 : 26 (OCVTA)
மேஜைக்காக நான்கு தங்க வளையங்களைச் செய்து, கால்கள் இருக்கும் நான்கு மூலைகளிலும் பொருத்து.
யாத்திராகமம் 25 : 27 (OCVTA)
மேஜையைத் தூக்குவதற்காகப் பயன்படுத்தப்படும் கம்புகளைப் பிடிக்கும்படி, அந்த வளையங்கள் விளிம்புச் சட்டத்தின் அருகே இருக்கவேண்டும்.
யாத்திராகமம் 25 : 28 (OCVTA)
அக்கம்புகளை சித்தீம் மரத்தால் செய்து, தங்கத்தகட்டால் மூடவேண்டும். அவற்றினாலேயே இந்த மேஜையைச் சுமக்கவேண்டும்.
யாத்திராகமம் 25 : 29 (OCVTA)
மேஜையின் தட்டுகளையும், கிண்ணங்களையும் சுத்தத் தங்கத்தினால் செய்யவேண்டும். அத்துடன் பானகாணிக்கைகளை ஊற்றுவதற்கான கிண்ணங்களையும், ஜாடிகளையும் தங்கத் தகட்டினாலேயே செய்யவேண்டும்.
யாத்திராகமம் 25 : 30 (OCVTA)
இறைசமுக அப்பம் எப்பொழுதும் எனக்கு முன்னாக இருக்கும்படி அதை இந்த மேஜையின்மேல் வை. [PE]
யாத்திராகமம் 25 : 31 (OCVTA)
{#1குத்துவிளக்கு } [PS]“சுத்தத் தங்கத்தினால் ஒரு குத்துவிளக்கைச் செய்யவேண்டும். அதன் அடிப்பாகமும், தண்டும், பூ வடிவமான அதன் கிண்ணங்களும், மொட்டுகளும், பூக்களும் அடிக்கப்பட்ட சுத்தத் தங்கத்தினாலேயே செய்யப்படவேண்டும்.
யாத்திராகமம் 25 : 32 (OCVTA)
ஆறு கிளைகள் குத்துவிளக்கின் பக்கங்களிலிருந்து விரிந்து தோன்றவேண்டும். மூன்று கிளைகள் ஒரு பக்கத்திலும், மூன்று கிளைகள் மறுபக்கத்திலும் இருக்கவேண்டும்.
யாத்திராகமம் 25 : 33 (OCVTA)
ஒரு கிளையில் வாதுமை பூக்கள் வடிவமான மூன்று கிண்ணங்கள் அதன் மொட்டுகளுடனும், மலர்களுடனும் இருக்கவேண்டும். அப்படியே அடுத்த கிளையிலும் மூன்று கிண்ணங்கள் இருக்கவேண்டும். இவ்விதமாக அந்த குத்துவிளக்கிலிருந்து விரிந்துபோகும் ஆறுகிளைகளிலும் இருக்கவேண்டும்.
யாத்திராகமம் 25 : 34 (OCVTA)
குத்துவிளக்கின் உச்சியில் வாதுமைப் பூக்களைப் போன்ற நான்கு கிண்ணங்கள் அவற்றின் மொட்டுகளோடும், மலர்களோடும் இருக்கவேண்டும்.
யாத்திராகமம் 25 : 35 (OCVTA)
குத்துவிளக்கிலிருந்து விரியும், முதல் ஜோடிக்கிளைகளுக்குக் கீழே, ஒரு மொட்டு இருக்கவேண்டும். இரண்டாவது ஜோடிக்கிளைகளுக்குக் கீழே இரண்டாவது மொட்டு இருக்கவேண்டும். மூன்றாவது ஜோடிக்கிளைகளுக்குக் கீழே மூன்றாவது மொட்டு இருக்கவேண்டும். எல்லாமுமாக ஆறு கிளைகள் இருக்கவேண்டும்.
யாத்திராகமம் 25 : 36 (OCVTA)
மொட்டுகளும், கிளைகளும் குத்துவிளக்குடன் சுத்தத் தங்கத்தின் ஒரே தகட்டிலிருந்து அடித்துச் செய்யப்பட்டிருக்க வேண்டும். [PE]
யாத்திராகமம் 25 : 37 (OCVTA)
[PS]“பின்பு அதற்கு ஏழு அகல் விளக்குகளைச் செய்து, குத்துவிளக்கின் முன்பக்கத்தில் வெளிச்சம் தரக்கூடியதாக, அவற்றை குத்துவிளக்கின் மேல் வை.
யாத்திராகமம் 25 : 38 (OCVTA)
விளக்குத்திரி கத்தரிகளும், தட்டுகளும் சுத்தத் தங்கத்தினால் செய்யப்படவேண்டும்.
யாத்திராகமம் 25 : 39 (OCVTA)
குத்துவிளக்கையும், அதற்குரிய உபகரணங்கள் யாவற்றையும் செய்ய ஒரு தாலந்து[§ அதாவது, சுமார் 75 பவுண்டுகள் அல்லது 34 கிலோகிராம் ] சுத்தத்தங்கத்தைப் பயன்படுத்த வேண்டும்.
யாத்திராகமம் 25 : 40 (OCVTA)
இங்கே மலையின்மேல் உனக்குக் காண்பிக்கப்பட்ட மாதிரியின்படியே, இவைகளையெல்லாம் செய்யும்படி நீ கவனமாயிரு.” [PE]
❮
❯