என்னுடைய ஆத்துமா தேவன்மேல், உயிருள்ள தேவன்மேலேயே தாகமாக இருக்கிறது; [QBR] நான் எப்பொழுது தேவனுடைய சந்நிதியில் வந்து நிற்பேன்? [QBR]
சங்கீதம் 42 : 3 (IRVTA)
உன்னுடைய தேவன் எங்கே என்று அவர்கள் நாள்தோறும் என்னிடத்தில் சொல்லுகிறபடியால், [QBR] இரவும் பகலும் என்னுடைய கண்ணீரே எனக்கு உணவானது. [QBR]
சங்கீதம் 42 : 4 (IRVTA)
முன்னே நான் பண்டிகையை அனுசரிக்கிற மக்களோடு கூட நடந்து, [QBR] கூட்டத்தின் சந்தோஷமும் துதியுமான சத்தத்தோடு தேவாலயத்திற்குப் போய்வருவேனே; [QBR] இவைகளை நான் நினைக்கும்போது என்னுடைய உள்ளம் எனக்குள்ளே உருகுகிறது. [QBR]
சங்கீதம் 42 : 5 (IRVTA)
என்னுடைய ஆத்துமாவே, நீ ஏன் கலங்குகிறாய்? [QBR] ஏன் எனக்குள் கவலைப்படுகிறாய்? தேவனை நோக்கிக் காத்திரு; [QBR] அவர் சமுகத்து இரட்சிப்பிற்காக நான் இன்னும் அவரைத் துதிப்பேன். [QBR]
சங்கீதம் 42 : 6 (IRVTA)
என் தேவனே, என்னுடைய ஆத்துமா எனக்குள் கலங்குகிறது; [QBR] ஆகையால் யோர்தான் தேசத்திலும் எர்மோன் மலைகளிலும் சிறுமலையிலுமிருந்து உம்மை நினைக்கிறேன். [QBR]
சங்கீதம் 42 : 7 (IRVTA)
உமது மதகுகளின் இரைச்சலால் ஆழத்தை ஆழம் கூப்பிடுகிறது; [QBR] உமது அலைகளும் பேரலைகளும் எல்லாம் என்மேல் புரண்டுபோகிறது. [QBR]
சங்கீதம் 42 : 8 (IRVTA)
ஆகிலும் யெகோவா பகற்காலத்திலே தமது கிருபையைக் கட்டளையிடுகிறார்; [QBR] இரவுநேரத்திலே அவரைப் பாடும் பாட்டு என்னுடைய வாயிலிருக்கிறது; [QBR] என் உயிருள்ள தேவனை நோக்கி விண்ணப்பம்செய்கிறேன். [QBR]
சங்கீதம் 42 : 9 (IRVTA)
நான் என்னுடைய கன்மலையாகிய தேவனை நோக்கி: [QBR] ஏன் என்னை மறந்தீர்? [QBR] எதிரியால் ஒடுக்கப்பட்டு, [QBR] நான் ஏன் துக்கத்துடனே திரியவேண்டும் என்று சொல்லுகிறேன். [QBR]
சங்கீதம் 42 : 10 (IRVTA)
உன் தேவன் எங்கே என்று [QBR] என் எதிரிகள் நாள்தோறும் என்னோடு சொல்லி, [QBR] என்னை நிந்திப்பது [QBR] என்னுடைய எலும்புகளை உருவக்குத்துகிறதுபோல் இருக்கிறது. [QBR]
சங்கீதம் 42 : 11 (IRVTA)
என் ஆத்துமாவே, நீ ஏன் கலங்குகிறாய்? [QBR] ஏன் எனக்குள் கவலைப்படுகிறாய்? [QBR] தேவனை நோக்கிக் காத்திரு; [QBR] என் முகத்திற்கு இரட்சிப்பும் என் தேவனுமாக இருக்கிறவரை நான் இன்னும் துதிப்பேன். [PE]