அல்லேலூயா, யெகோவாவுக்குப் புதுப்பாட்டைப் பாடுங்கள்; [QBR] பரிசுத்தவான்களின் சபையிலே அவருடைய துதி வெளிப்படட்டும். [QBR]

இஸ்ரவேல் தன்னை உண்டாக்கினவரில் மகிழவும், [QBR] மகன்களாகிய சீயோன் தங்களுடைய ராஜாவில் சந்தோஷப்படட்டும். [QBR]

அவருடைய பெயரை நடனத்தோடு துதித்து, [QBR] தம்புரினாலும் கின்னரத்தினாலும் அவரை புகழ்ந்துபாட வேண்டும். [QBR]

யெகோவா தம்முடைய மக்களின்மேல் பிரியம் வைக்கிறார்; [QBR] சாந்தகுணமுள்ளவர்களை இரட்சிப்பினால் அலங்கரிப்பார். [QBR]

பரிசுத்தவான்கள் மகிமையோடு சந்தோஷப்பட்டு, [QBR] தங்களுடைய படுக்கைகளின்மேல் கெம்பீரிப்பார்கள். [QBR]

தேசங்களிடத்தில் பழிவாங்கவும், மக்களைத் தண்டிக்கவும், [QBR]

அவர்களுடைய ராஜாக்களைச் சங்கிலிகளாலும், [QBR] அவர்களுடைய மேன்மக்களை இரும்பு விலங்குகளாலும் கட்டவும், [QBR] எழுதப்பட்ட நியாயத்தீர்ப்பை அவர்கள்மேல் செலுத்தவும், [QBR]

அவர்களுடைய வாயில் யெகோவாவை உயர்த்தும் துதியும், [QBR] அவர்களுடைய கையில் இருபுறமும் கூர்மையுள்ள வாளும் இருக்கும். [QBR]

இந்த மரியாதை அவருடைய பரிசுத்தவான்கள் அனைவருக்கும் உண்டாகும். [QBR] அல்லேலூயா. [PE]