லூக்கா 1 : 1 (IRVTA)
{முன்னுரை} [PS] மகா கனம்பொருந்திய தேயோப்பிலுவே, நாங்கள் முழுநிச்சயமாக நம்புகிற காரியங்களை,
லூக்கா 1 : 2 (IRVTA)
ஆரம்பமுதல் கண்கூடாகப் பார்த்து வசனத்தைப் போதித்தவர்கள் எங்களுக்கு ஒப்புவித்தபடியே அவைகளைக்குறித்து சரித்திரம் எழுத அநேகம்பேர் முயற்சித்தனர்.
லூக்கா 1 : 3 (IRVTA)
ஆகவே, ஆரம்பமுதல் எல்லாவற்றையும் திட்டமாக விசாரித்து அறிந்த நானும் உமக்கு உபதேசிக்கப்பட்ட காரியங்களின் நிச்சயத்தை நீர் அறியவேண்டும் என்று,
லூக்கா 1 : 4 (IRVTA)
அவைகளை சரியாக ஒழுங்குப்படுத்தி உமக்கு எழுதுவது எனக்கு நல்லதாகத் தோன்றியது. [PS]
லூக்கா 1 : 5 (IRVTA)
{யோவான்ஸ்நானனின் பிறப்பை முன்னறிவித்தல்} [PS] யூதேயாதேசத்தின் ராஜாவாகிய ஏரோதின் நாட்களில், அபியா என்னும் ஆசாரிய வம்சத்தைச் சேர்ந்த சகரியா என்னும் பெயர்கொண்ட ஆசாரியன் ஒருவன் இருந்தான். அவனுடைய மனைவி ஆரோனுடைய சந்ததியில் ஒருத்தி, அவளுடைய பெயர் எலிசபெத்து.
லூக்கா 1 : 6 (IRVTA)
அவர்கள் இருவரும் கர்த்தர் கொடுத்த எல்லாக் கட்டளைகளின்படியும் நியமங்களின்படியும் குற்றமற்றவர்களாக நடந்து, தேவனுக்குமுன்பாக நீதியுள்ளவர்களாக இருந்தார்கள்.
லூக்கா 1 : 7 (IRVTA)
எலிசபெத்து மலடியாக இருந்தபடியால், அவர்களுக்குப் பிள்ளையில்லாதிருந்தது; இருவரும் முதிர்வயதானவர்களாகவும் இருந்தார்கள்.
லூக்கா 1 : 8 (IRVTA)
அப்படியிருக்க, அவன் தன் ஆசாரிய முறைமைகளின்படி தேவசந்நிதியிலே ஆசாரிய ஊழியம் செய்துவருகிற காலத்தில்,
லூக்கா 1 : 9 (IRVTA)
ஆசாரிய ஊழிய முறைகளின்படி அவன் தேவாலயத்திற்குச் சென்று தூபம் காட்டுகிறதற்காகத் தேர்ந்தெடுக்கப்பட்டான்.
லூக்கா 1 : 10 (IRVTA)
தூபம் காட்டுகிற நேரத்திலே மக்களெல்லோரும் கூட்டமாக வெளியே ஜெபம்பண்ணிக்கொண்டிருந்தார்கள்.
லூக்கா 1 : 11 (IRVTA)
அப்பொழுது கர்த்தருடைய தூதன் ஒருவன் தூப பீடத்தின் வலதுபக்கத்திலே நின்று அவனுக்குத் தரிசனமானான்.
லூக்கா 1 : 12 (IRVTA)
சகரியா அவனைப் பார்த்து கலங்கி, பயமடைந்தான்.
லூக்கா 1 : 13 (IRVTA)
கர்த்தருடைய தூதன் அவனைப் பார்த்து: சகரியாவே, பயப்படாதே, உன் விண்ணப்பம் கேட்கப்பட்டது; உன் மனைவியாகிய எலிசபெத்து உனக்கு ஒரு குமாரனைப் பெற்றெடுப்பாள், அவனுக்கு யோவான் என்று பெயர் இடுவாயாக.
லூக்கா 1 : 14 (IRVTA)
உனக்குச் சந்தோஷமும் மகிழ்ச்சியும் உண்டாகும், அவன் பிறப்பதினாலே அநேகர் சந்தோஷப்படுவார்கள்.
லூக்கா 1 : 15 (IRVTA)
அவன் கர்த்தருக்கு முன்பாகப் பெரியவனாக இருப்பான், திராட்சைரசமும் மதுபானமும் குடிக்கமாட்டான், அவன் எலிசபெத்தின் கர்ப்பத்தில் இருக்கும்போதே பரிசுத்த ஆவியானவரால் நிரப்பப்பட்டிருப்பான்.
லூக்கா 1 : 16 (IRVTA)
அவன் இஸ்ரவேல் வம்சத்தாரில் அநேகரைப் பாவங்களைவிட்டு, அவர்களுடைய தேவனாகிய கர்த்தரிடத்திற்குத் திருப்புவான்.
லூக்கா 1 : 17 (IRVTA)
பிதாக்களுடைய இருதயங்களைப் பிள்ளைகளிடத்திற்கும், கீழ்ப்படியாதவர்களை நீதிமான்களுடைய ஞானத்திற்கும் திருப்பி, உத்தமமான மக்களை கர்த்தருக்கு ஆயத்தப்படுத்த, அவன் எலியாவின் ஆவியும் பலமும் உள்ளவனாக கர்த்தருக்கு முன்னே நடப்பான் என்றான்.
லூக்கா 1 : 18 (IRVTA)
அப்பொழுது சகரியா தேவதூதனை நோக்கி: இதை நான் எப்படி அறிவேன்; நான் முதிர்வயதானவனாக இருக்கிறேன், என் மனைவியும் வயதானவளாக இருக்கிறாளே என்றான்.
லூக்கா 1 : 19 (IRVTA)
தேவதூதன் அவனுக்கு மறுமொழியாக: நான் தேவ சந்நிதானத்தில் நிற்கிற காபிரியேல் என்பவன்; உன்னுடனே பேசவும், உனக்கு இந்த நற்செய்தியை அறிவிக்கவும் அனுப்பப்பட்டு வந்தேன்;
லூக்கா 1 : 20 (IRVTA)
இதோ, குறித்த காலத்திலே நிறைவேறப்போகிற என் வார்த்தைகளை நீ விசுவாசிக்காதபடியால் இவைகள் நிறைவேறும் நாள்வரை நீ பேசமுடியாமல் ஊமையாக இருப்பாய் என்றான்.
லூக்கா 1 : 21 (IRVTA)
மக்கள் சகரியாவுக்காக நீண்டநேரம் காத்திருந்து, அவன் தேவாலயத்தில் இருந்து வெளியே வர தாமதம் செய்ததினால் ஆச்சரியப்பட்டார்கள்.
லூக்கா 1 : 22 (IRVTA)
அவன் வெளியே வந்தபோது மக்களிடத்தில் பேச முடியாமலிருந்தான்; எனவே தேவாலயத்தில் அவன் ஒரு தரிசனத்தைப் பார்த்தான் என்று அறிந்துகொண்டார்கள். அவன் ஊமையாக இருந்தபடியால் அவர்களுக்கு சைகைகாட்டினான்.
லூக்கா 1 : 23 (IRVTA)
அவனுடைய ஊழியத்தின் நாட்கள் நிறைவேறினவுடனே தன் வீட்டிற்குப்போனான்.
லூக்கா 1 : 24 (IRVTA)
அதற்குப்பின்பு, அவன் மனைவியாகிய எலிசபெத்து கர்ப்பந்தரித்து: மக்கள் மத்தியில் எனக்கு உண்டாயிருந்த அவமானத்தை நீக்கும்படியாகக் கர்த்தர் இந்த நாட்களில் என்மேல் இரக்கம் வைத்து,
லூக்கா 1 : 25 (IRVTA)
எனக்கு இப்படிச் செய்தார் என்று சொல்லி, ஐந்து மாதங்கள் வீட்டைவிட்டு வெளியே போகாமல் இருந்தாள். [PS]
லூக்கா 1 : 26 (IRVTA)
{இயேசுவின் பிறப்பை முன்னறிவித்தல்} [PS] எலிசபெத்தின் ஆறாம் மாதத்திலே காபிரியேல் என்னும் தூதன், கலிலேயாவிலுள்ள நாசரேத்து என்னும் ஊரில்,
லூக்கா 1 : 27 (IRVTA)
தாவீதின் வம்சத்தை சேர்ந்த யோசேப்பு என்கிற பெயருள்ள மனிதனுக்கு நிச்சயிக்கப்பட்டிருந்த ஒரு கன்னிப் பெண்ணிடத்திற்கு தேவனாலே அனுப்பப்பட்டான்; அந்தக் கன்னிப் பெண்ணின் பெயர் மரியாள்.
லூக்கா 1 : 28 (IRVTA)
அவள் இருந்த வீட்டில் தேவதூதன் தோன்றி: கிருபை பெற்றவளே, வாழ்க, கர்த்தர் உன்னுடனே இருக்கிறார், பெண்களுக்குள்ளே நீ ஆசீர்வதிக்கப்பட்டவள் என்றான்.
லூக்கா 1 : 29 (IRVTA)
அவளோ அவனைப் பார்த்து, அவன் வார்த்தையினால் கலங்கி, இந்த வாழ்த்துக்கள் எப்படிப்பட்டதோ என்று சிந்தித்துக்கொண்டிருந்தாள்.
லூக்கா 1 : 30 (IRVTA)
தேவதூதன் அவளை நோக்கி: மரியாளே, பயப்படாதே; நீ தேவனிடமிருந்து கிருபைபெற்றாய்.
லூக்கா 1 : 31 (IRVTA)
இதோ, நீ கர்ப்பம் தரித்து ஒரு குமாரனைப் பெற்றெடுப்பாய், அவருக்கு இயேசு என்று பெயரிடுவாயாக.
லூக்கா 1 : 32 (IRVTA)
அவர் பெரியவராக இருப்பார், உன்னதமான தேவனுடைய குமாரன் எனப்படுவார்; கர்த்தராகிய தேவன் அவருடைய பிதாவாகிய தாவீதின் சிங்காசனத்தை அவருக்குக் கொடுப்பார்.
லூக்கா 1 : 33 (IRVTA)
அவர் யாக்கோபின் குடும்பத்தாரை என்றென்றைக்கும் அரசாளுவார்; அவருடைய இராஜ்யத்திற்கு முடிவு இல்லை என்றான்.
லூக்கா 1 : 34 (IRVTA)
அதற்கு மரியாள் தேவதூதனை நோக்கி: நான் கன்னிப்பெண்ணாய் இருக்கிறேனே, இது எப்படி நடக்கும்? என்றாள்.
லூக்கா 1 : 35 (IRVTA)
தேவதூதன் அவளுக்கு மறுமொழியாக; பரிசுத்த ஆவியானவர் உன்மேல் வருவார்; உன்னதமான தேவனுடைய பலம் உன்னை மூடும்; எனவே உன் கர்ப்பத்தில் பிறக்கும் இந்தப் பரிசுத்தக் குழந்தை, தேவனுடைய குமாரன் என்று அழைக்கப்படும்.
லூக்கா 1 : 36 (IRVTA)
இதோ, உன் இனத்தைச் சேர்ந்த எலிசபெத்தும் தன்னுடைய முதிர்வயதிலே ஒரு குமாரனைக் கர்ப்பம் தரித்திருக்கிறாள்; குழந்தை இல்லாதவள் என்று சொல்லப்பட்ட அவளுக்கு இது ஆறாவது மாதம்.
லூக்கா 1 : 37 (IRVTA)
தேவனாலே செய்யமுடியாத காரியம் ஒன்றும் இல்லை என்றான்.
லூக்கா 1 : 38 (IRVTA)
அதற்கு மரியாள்: இதோ, நான் ஆண்டவருக்கு அடிமை, உம்முடைய வார்த்தையின்படி எனக்கு நடக்கட்டும் என்றாள். அப்பொழுது தேவதூதன் அவளைவிட்டுப் போய்விட்டான். [PS]
லூக்கா 1 : 39 (IRVTA)
{மரியாள் எலிசபெத்தை சந்தித்தல்} [PS] அந்த நாளில் மரியாள் எழுந்து, மலைநாடாகிய யூதேயாவில் உள்ள ஒரு பட்டணத்திற்கு சீக்கிரமாகப்போய்,
லூக்கா 1 : 40 (IRVTA)
சகரியாவின் வீட்டிற்குச் சென்று, எலிசபெத்தை வாழ்த்தினாள்.
லூக்கா 1 : 41 (IRVTA)
எலிசபெத்து மரியாளுடைய வாழ்த்துக்களைக் கேட்டபொழுது, அவளுடைய கர்ப்பத்தில் இருந்த குழந்தை துள்ளியது; எலிசபெத்து பரிசுத்த ஆவியானவரால் நிரப்பப்பட்டு,
லூக்கா 1 : 42 (IRVTA)
அதிக சத்தமாக: பெண்களுக்குள்ளே நீ ஆசீர்வதிக்கப்பட்டவள், உன் கர்ப்பத்தின் கனியும் ஆசீர்வதிக்கப்பட்டது.
லூக்கா 1 : 43 (IRVTA)
என் ஆண்டவருடைய தாயார் என்னிடம் வர நான் என்ன பாக்கியம் செய்தேன்!
லூக்கா 1 : 44 (IRVTA)
இதோ, நீ வாழ்த்தின சத்தம் என் காதில் விழுந்தவுடனே, என் கர்ப்பத்திலுள்ள குழந்தை மகிழ்ச்சியால் துள்ளியது.
லூக்கா 1 : 45 (IRVTA)
விசுவாசித்தவளே, நீ பாக்கியவதி, கர்த்தராலே உனக்குச் சொல்லப்பட்டவைகள் நிறைவேறும் என்றாள். [PS]
லூக்கா 1 : 46 (IRVTA)
{மரியாளின் பாடல்} [PS] அப்பொழுது மரியாள்: [QBR] “என் ஆத்துமா கர்த்த்தரை மகிமைப்படுத்துகிறது. [QBR]
லூக்கா 1 : 47 (IRVTA)
என் ஆவி என் இரட்சகராகிய [QBR] தேவனிடம் மகிழ்ச்சியாக இருக்கிறது. [QBR]
லூக்கா 1 : 48 (IRVTA)
தேவன் அடிமையாகிய என்னுடைய தாழ்மையை [QBR] நோக்கிப்பார்த்தார்; [QBR] இதோ, இனி எல்லா வம்சங்களும் என்னை [QBR] பாக்கியம் பெற்றவள் என்பார்கள். [QBR]
லூக்கா 1 : 49 (IRVTA)
வல்லமையுடைய தேவன் [QBR] மகிமையான காரியங்களை எனக்குச் செய்தார்; [QBR] அவருடைய நாமம் பரிசுத்தமானது. [QBR]
லூக்கா 1 : 50 (IRVTA)
அவருடைய இரக்கம் அவருக்குப் பயந்து நடக்கிறவர்களுக்குத் [QBR] தலைமுறை தலைமுறைக்கும் இருக்கும். [QBR]
லூக்கா 1 : 51 (IRVTA)
அவர் தம்முடைய கரங்களினாலே [QBR] வல்லமையுள்ள காரியங்களைச் செய்தார்; [QBR] இருதய சிந்தைகளில் பெருமையுள்ளவர்களைச் [QBR] சிதறிப்போகப்பண்ணினார். [QBR]
லூக்கா 1 : 52 (IRVTA)
ராஜாக்களை பதவிகளிலிருந்து நீக்கி, [QBR] தாழ்மையானவர்களை உயர்த்தினார். [QBR]
லூக்கா 1 : 53 (IRVTA)
பசியுள்ளவர்களுக்கு நன்மையானதைக் கொடுத்து, [QBR] செல்வந்தர்களுக்கு ஒன்றும் கொடுக்காமல் [QBR] வெறுமையாக அனுப்பிவிட்டார். [QBR]
லூக்கா 1 : 54 (IRVTA)
நம்முடைய முற்பிதாக்களுக்கு அவர் சொன்னபடியே, [QBR] ஆபிரகாமுக்கும் அவன் வம்சத்திற்கும் [QBR] எப்பொழுதும் இரக்கம் செய்ய நினைத்து, [QBR]
லூக்கா 1 : 55 (IRVTA)
அவருடைய மக்களாகிய இஸ்ரவேல் தேசத்தினர்களுக்கு [QBR] உதவி செய்தார்” என்றாள். [PE][PS]
லூக்கா 1 : 56 (IRVTA)
மரியாள் ஏறக்குறைய மூன்று மாதங்கள் எலிசெபெத்துடன் தங்கியிருந்து, பின்பு தன் வீட்டிற்குத் திரும்பிப்போனாள். [PS]
லூக்கா 1 : 57 (IRVTA)
{யோவான்ஸ்நானனின் பிறப்பு} [PS] எலிசபெத்திற்குப் பிரசவநேரம் வந்தபோது அவள் ஒரு ஆண் குழந்தையைப் பெற்றெடுத்தாள்.
லூக்கா 1 : 58 (IRVTA)
கர்த்தர் அவள்மேல் எவ்வளவு இரக்கமாக இருந்தார் என்று அவள் அருகில் வசிப்பவர்களும் சொந்தங்களும் கேள்விப்பட்டு, அவளோடு சேர்ந்து சந்தோஷப்பட்டார்கள்.
லூக்கா 1 : 59 (IRVTA)
எட்டாவது நாளிலே குழந்தைக்கு விருத்தசேதனம்பண்ண அவர்கள் எல்லோரும் கூடிவந்து, குழந்தையின் தகப்பனுடைய பெயராகிய சகரியா என்ற பெயரையே குழந்தைக்கும் வைக்க விரும்பினார்கள்.
லூக்கா 1 : 60 (IRVTA)
அப்பொழுது எலிசெபெத்து: “அப்படி வேண்டாம், குழந்தைக்கு யோவான் என்று பெயர் வைக்கவேண்டும் என்றாள்.
லூக்கா 1 : 61 (IRVTA)
அதற்கு அவர்கள்: உன் உறவினர்களில் இந்தப் பெயருள்ளவன் ஒருவனும் இல்லையே” என்று சொல்லி,
லூக்கா 1 : 62 (IRVTA)
சகரியாவைப் பார்த்து: குழந்தைக்கு என்ன பெயர் வைக்க விரும்புகிறீர் என்று சைகையினால் கேட்டார்கள்.
லூக்கா 1 : 63 (IRVTA)
அவன் எழுத்துப் பலகையைக் கேட்டு வாங்கி,” இவன் பெயர் யோவான்,” என்று எழுதினான்; எல்லோரும் ஆச்சரியப்பட்டார்கள்.
லூக்கா 1 : 64 (IRVTA)
உடனே அவனுடைய வாய் திறக்கப்பட்டது, அவன் பேசி, தேவனை ஸ்தோத்திரித்துப் புகழ்ந்தான்.
லூக்கா 1 : 65 (IRVTA)
அதினால் அவர்களைச் சுற்றி வாழ்ந்த அனைவருக்கும் பயம் உண்டானது. மேலும் யூதேயா மலைநாடு முழுவதும் இந்தச் செய்தி பரவி, இதைக்குறித்து அதிகமாகப் பேசப்பட்டது.
லூக்கா 1 : 66 (IRVTA)
இதைக் கேள்விப்பட்டவர்கள் எல்லோரும் தங்களுடைய மனதிலே நடந்தவைகளை நினைத்து, இந்தக் குழந்தை வளர்ந்து எப்படிப்பட்ட காரியங்களைச் செய்யுமோ என்றார்கள். கர்த்தருடைய கரம் அந்தக் குழந்தையோடு இருந்தது. [PS]
லூக்கா 1 : 67 (IRVTA)
{சகரியாவின் தீர்க்கதரிசனம்} [PS] அவனுடைய தகப்பனாகிய சகரியா பரிசுத்த ஆவியானவராலே நிரப்பப்பட்டு, தீர்க்கதரிசனமாக: [QBR]
லூக்கா 1 : 68 (IRVTA)
“இஸ்ரவேலின் தேவனாகிய கர்த்தருக்கு ஸ்தோத்திரம் உண்டாவதாக. [QBR]
லூக்கா 1 : 69 (IRVTA)
அவர் நம்முடைய முற்பிதாக்களுக்கு [QBR] வாக்குத்தத்தம்பண்ணின இரக்கத்தைச் செய்வதற்கும்; [QBR]
லூக்கா 1 : 70 (IRVTA)
தம்முடைய பரிசுத்த உடன்படிக்கையை நினைத்தருளி: [QBR]
லூக்கா 1 : 71 (IRVTA)
உங்களுடைய சத்துருக்களின் கைகளில் இருந்து நீங்கள் விடுதலையாக்கப்பட்டு, [QBR] உயிரோடிருக்கும் நாட்களெல்லாம் பயமில்லாமல் எனக்கு முன்பாகப் பரிசுத்தத்தோடும் [QBR] நீதியோடும் எனக்கு ஊழியம் செய்யவும் கட்டளையிடுவேன் என்று, [QBR]
லூக்கா 1 : 72 (IRVTA)
அவர் நம்முடைய முற்பிதாவாகிய [QBR] ஆபிரகாமுக்கு கொடுத்த ஆணையை நிறைவேற்றுவதற்கும்; [QBR]
லூக்கா 1 : 73 (IRVTA)
ஆதிமுதல் கொண்டிருந்த தம்முடைய [QBR] பரிசுத்த தீர்க்கதரிசிகளின் வாக்கினால் [QBR] தேவன் சொன்னபடியே, [QBR]
லூக்கா 1 : 74 (IRVTA)
தமது மக்களைச் சந்தித்து மீட்டுக்கொண்டு, [QBR] நம்முடைய சத்துருக்களிடம் இருந்தும், [QBR] நம்மைப் பகைக்கிற எல்லோருடைய கைகளில் இருந்தும், [QBR] நம்மை இரட்சிப்பதற்காக, [QBR]
லூக்கா 1 : 75 (IRVTA)
தம்முடைய தாசனாகிய தாவீதின் வம்சத்திலே [QBR] நமக்கு ஒரு வல்லமையுள்ள இரட்சகரை அனுப்பினார். [QBR]
லூக்கா 1 : 76 (IRVTA)
என் மகனே, நீ உன்னதமான தேவனுடைய [QBR] தீர்க்கதரிசி என்று அழைக்கப்படுவாய்; [QBR] நீ கர்த்தருக்கு வழிகளை ஆயத்தம்பண்ணவும், [QBR]
லூக்கா 1 : 77 (IRVTA)
நமது தேவனுடைய உருக்கமான இரக்கத்தினாலே [QBR] அவருடைய மக்களுக்குப் பாவமன்னிப்பாகிய [QBR] இரட்சிப்பைத் தெரியப்படுத்தவும், அவருக்கு முன்னே நடந்துபோவாய். [QBR]
லூக்கா 1 : 78 (IRVTA)
இருளிலும், மரண பயத்திலும் உட்கார்ந்திருக்கிறவர்களுக்கு [QBR] வெளிச்சம் கொடுக்கவும், [QBR]
லூக்கா 1 : 79 (IRVTA)
நம்முடைய கால்களைச் சமாதானத்தின் வழியிலே நடத்தவும், [QBR] அந்த இரக்கத்தினாலே உன்னதத்திலிருந்து தோன்றிய [QBR] சூரியன் நம்மிடம் வந்திருக்கிறது” என்றான். [PE][PS]
லூக்கா 1 : 80 (IRVTA)
அந்தப் பிள்ளை வளர்ந்து, ஆவியிலே பெலனடைந்து, இஸ்ரவேல் மக்களுக்கு வெளிப்படையாக உபதேசிக்கும் நாள் வரும்வரைக்கும் வனாந்திரங்களிலே வாழ்ந்து வந்தான். [PE]
❮
❯