{எதுதூன் என்னும் இராகத் தலைவனுக்கு தாவீது அளித்த பாடல்களில் ஒன்று} [PS] என்ன நடந்தாலும் பரவாயில்லை என் ஆத்துமா பொறுமையோடு தேவன் என்னை மீட்கும்படி காத்திருக்கிறது. [QBR2] என் இரட்சிப்பு அவரிடத்திலிருந்து மட்டுமே வருகிறது. [QBR]

எனக்கு அநேக விரோதிகள் இருக்கிறார்கள். [QBR2] ஆனால் தேவனே எனக்கு அரணாக இருக்கிறார். [QBR] தேவன் என்னைக் காப்பாற்றுகிறார். [QBR2] உயரமான மலைகளில் தேவனே என் பாதுகாவலான இடம். [QBR2] பெரும் படைகளும் என்னைத் தோற்கடிக்க இயலாது.

எத்தனை காலம் என்னைத் தாக்குவீர். [QBR2] நானோ சாய்ந்த சுவரைப் போலவும், வீழும் நிலையிலுள்ள வேலியைப் போலவும் இருக்கிறேன். [QBR]

மேன்மையான என் நிலையை எண்ணி [QBR2] அந்த ஜனங்கள் என்னைக் கொல்லத் திட்டமிடுகிறார்கள். [QBR] அவர்கள் என்னைக் குறித்துப் பொய்களைக் கூறுவதில் மகிழ்ச்சி அடைகிறார்கள். [QBR2] வெளிப்படையாக அவர்கள் என்னைப்பற்றி நல்லவற்றைப் பேசினாலும் இரகசியமாக என்னை சபிக்கிறார்கள்.

தேவன் என்னை மீட்க வேண்டுமென்று பொறுமையோடு என் ஆத்துமா காத்திருக்கிறது. [QBR2] தேவன் ஒருவரே என் நம்பிக்கை. [QBR]

தேவனே என் அரண். [QBR2] தேவன் என்னைக் காப்பாற்றுகிறார். [QBR2] உயரமான மலைகளில் தேவனே என் பாதுகாவலான இடம். [QBR]

என் பெருமையும் வெற்றியும் தேவனிடமிருந்து வருகிறது. [QBR2] அவர் எனக்குப் பலமான அரண். [QBR2] தேவன் எனக்குப் பாதுகாவலான இடம். [QBR]

ஜனங்களே, எப்போதும் தேவனை நம்புங்கள்! [QBR2] தேவனிடம் உங்கள் தொல்லைகளைக் கூறுங்கள்! [QBR2] தேவனே நமக்குப் பாதுகாவலான இடம். [QBR]

மனிதர்கள்உண்மையாகவே உதவ முடியாது. [QBR2] உண்மையான உதவிக்கு நீங்கள் அவர்களை நம்பமுடியாது. [QBR] தேவனோடு ஒப்பிடுகையில் அவர்கள் லேசான காற்றைப்போல் [QBR2] ஒன்றுமில்லாதவர்களாயிருக்கிறார்கள். [QBR]

கட்டாயமாகப் பொருளைப் பறிக்கும் வல்லமையை நம்பாதீர்கள். [QBR2] திருடுவதால் பொருளைப்பெற முடியுமென நினைக்காதீர்கள். [QBR] நீங்கள் செல்வந்தரானால் [QBR2] அச்செல்வங்கள் உங்களுக்கு உதவுமென நம்பாதீர்கள். [QBR]

நீங்கள் உண்மையிலேயே சார்ந்து நிற்கவல்ல பொருள் ஒன்று உண்டு என்று தேவன் சொல்கிறார். [QBR2] வல்லமை தேவனிடமிருந்து வருகிறது.

என் ஆண்டவரே, உமது அன்பு உண்மையானது. [QBR2] ஒருவன் செய்யும் காரியங்களுக்கேற்ப நீர் மனிதனைத் தண்டிக்கவோ, அவனுக்கு உதவவோ செய்கிறீர். [PE]