உன்னதப்பாட்டு 1 : 1 (ECTA)
சாலமோனின் தலைசிறந்த பாடல் [* 1 அர 4:32.. ]
உன்னதப்பாட்டு 1 : 2 (ECTA)
சாலமோனின் தலைசிறந்த பாடல்பாடல் 1: தலைவி கூற்று தம் வாயின் முத்தங்களால் அவர் என்னை முத்தமிடுக! ஆம், உமது காதல் திராட்சை ரசத்தினும் இனிது!
உன்னதப்பாட்டு 1 : 3 (ECTA)
உமது பரிமளத்தின் நறுமணம் இனிமையானது; உமது பெயரோ பரிமள மணத்தினும் மிகுதியாய்ப் பரவியுள்ளது; எனவே, இளம் பெண்கள் உம்மேல் அன்பு கொள்கின்றனர்.
உன்னதப்பாட்டு 1 : 4 (ECTA)
உம்மோடு என்னைக் கூட்டிச் செல்லும், ஓடிடுவோம்; அரசர் என்னைத் தம் அறைக்குள் அழைத்துச் செல்லட்டும்! களிகூர்வோம், உம்மில் அக்களிப்போம்; திராட்சை இரசத்தினும் மேலாய் உம் காதலைக் கருதிடுவோம்; திராட்சை இரசத்தினும் உமது அன்பைப் போற்றிடுவோம்!
உன்னதப்பாட்டு 1 : 5 (ECTA)
பாடல் 2: தலைவி கூற்று எருசலேம் மங்கையரே, கறுப்பாய் இருப்பினும், நான் எழில்மிக்கவளே! கேதாரின் கூடாரங்களைப் போலுள்ளேன்; சாலமோனின் எழில்திரைகளுக்கு இணையாவேன்.
உன்னதப்பாட்டு 1 : 6 (ECTA)
கறுப்பாய் இருக்கின்றேன் நான் என என்னையே உற்றுப் பார்க்க வேண்டா! கதிரவன் காய்ந்தான்; நான் கறுப்பானேன்; என் தமையர் என்மேல் சினம் கொண்டனர்; திராட்சைத் தோட்டத்திற்கு என்னைக் காவல் வைத்தனர்; என் தோட்டத்தையோ நான் காத்தேன் அல்லேன்!
உன்னதப்பாட்டு 1 : 7 (ECTA)
பாடல் 3: தலைவன்-தலைவி உரையாடல் என் நெஞ்சத்தின் அன்புக்குரியவரே! எங்கே நீர் ஆடு மேய்ப்பீர்? எங்கே நண்பகலில் மந்தையை இளைப்பாற விடுவீர்? எனக்குச் சொல்வீர்! இல்லையேல், உம் தோழர்களின் மந்தைகட்கருகில் வழி தவறியவள் போல் நான் திரிய நேரிடும்!
உன்னதப்பாட்டு 1 : 8 (ECTA)
பெண்களுக்குள் பேரழகியே, உனக்குத் தெரியாதெனில், மந்தையின் கால்சுவடுகளில் நீ தொடர்ந்து போ; இடையர்களின் கூடாரங்களுக்கு அருகினிலே உன்னுடைய ஆட்டுக்குட்டிகளை மேய்த்திடு!
உன்னதப்பாட்டு 1 : 9 (ECTA)
பாடல் 4: தலைவன்-தலைவி உரையாடல் என் அன்பே, பார்வோன் தேர்ப்படை நடுவே உலவும் பெண்புரவிக்கு உன்னை ஒப்பிடுவேன்.
உன்னதப்பாட்டு 1 : 10 (ECTA)
உன் கன்னங்கள் குழையணிகளாலும் உன் கழுத்து மணிச்சரங்களாலும் எழில் பெறுகின்றன.
உன்னதப்பாட்டு 1 : 11 (ECTA)
பொன்வளையல்கள் உனக்குச் செய்திடுவோம்; வெள்ளி வளையங்கள் அவற்றில் கோத்திடுவோம்.
உன்னதப்பாட்டு 1 : 12 (ECTA)
என் அரசர் தம் மஞ்சத்தில் இருக்கையிலே, என் நரந்தம் நறுமணம் பரப்புகின்றது.
உன்னதப்பாட்டு 1 : 13 (ECTA)
என் காதலர் வெள்ளைப்போள முடிப்பென என் மார்பகத்தில் தங்கிடுவார்.
உன்னதப்பாட்டு 1 : 14 (ECTA)
என் காதலர் எனக்கு மருதோன்றி மலர்க்கொத்து! எங்கேதித் தோட்டங்களில் உள்ள மருதோன்றி!
உன்னதப்பாட்டு 1 : 15 (ECTA)
பாடல் 5: தலைவன்-தலைவி உரையாடல் என்னே உன் அழகு! என் அன்பே, என்னே உன் அழகு! உன் கண்கள் வெண்புறாக்கள்!
உன்னதப்பாட்டு 1 : 16 (ECTA)
என்னே உம் அழகு என் காதலரே! எத்துணைக் கவர்ச்சி! ஆம், நமது படுக்கை பைந்தளிர்!
உன்னதப்பாட்டு 1 : 17 (ECTA)
நம் வீட்டின் விட்டங்கள் கேதுரு மரங்கள்; நம்முடைய மச்சுகள் தேவதாரு கிளைகள்.
❮
❯
1
2
3
4
5
6
7
8
9
10
11
12
13
14
15
16
17