சங்கீதம் 16 : 1 (ECTA)
பற்றுறுதியும் நம்பிக்கையும்
(தாவீதின் கழுவாய்ப் பாடல்) இறைவா, என்னைக் காத்தருளும்; உம்மிடம் நான் அடைக்கலம் புகுந்துள்ளேன்.
சங்கீதம் 16 : 2 (ECTA)
நான் ஆண்டவரிடம் ‛நீரே என் தலைவர்; உம்மையன்றி வேறு செல்வம் எனக்கு இல்லை’ என்று சொன்னேன்.
சங்கீதம் 16 : 3 (ECTA)
பூவுலகில் உள்ள தூயோர்
எவ்வளவோ உயர்ந்தோர்! அவர்களோடு இருப்பதே எனக்குப் பேரின்பம்.
சங்கீதம் 16 : 4 (ECTA)
வேற்றுத் தெய்வங்களைப் பின்பற்றுவோர் தங்கள் துன்பங்களைப் பெருக்கிக்கொள்வர்; அவற்றுக்குச் செலுத்தப்படும் இரத்தப் பலிகளில் நான் கலந்து கொள்ளேன்; அவற்றின் பெயரைக்கூட நாவினால் உச்சரியேன்.
சங்கீதம் 16 : 5 (ECTA)
ஆண்டவர்தாமே என் உரிமைச் சொத்து; அவரே என் கிண்ணம்; எனக்குரிய பங்கைக் காப்பவரும் அவரே;
சங்கீதம் 16 : 6 (ECTA)
இனிமையான நிலங்கள் எனக்குப் பாகமாகக் கிடைத்தன; உண்மையாகவே என் உரிமைச் சொத்து வளமானதே.
சங்கீதம் 16 : 7 (ECTA)
எனக்கு அறிவுரை வழங்கும் ஆண்டவரைப் போற்றுகின்றேன்; இரவில்கூட என் மனச்சான்று என்னை எச்சரிக்கின்றது.
சங்கீதம் 16 : 8 (ECTA)
ஆண்டவரை எப்போதும் என் கண்முன் வைத்துள்ளேன்; அவர் என் வலப்பக்கம் உள்ளார்; எனவே, நான் அசைவுறேன். [* திப 2:25- 28 ]
சங்கீதம் 16 : 9 (ECTA)
என் இதயம் அக்களிக்கின்றது; என் உள்ளம் மகிழ்ந்து துள்ளுகின்றது; என் உடலும் பாதுகாப்பில் நிலைத்திருக்கும். [* திப 2:25- 28 ]
சங்கீதம் 16 : 10 (ECTA)
ஏனெனில், என்னைப் பாதாளத்திடம் ஒப்புவிக்கமாட்டீர்; உம் அன்பனைப் படுகுழியைக் காண விடமாட்டீர். [* திப 2:25- 28 ; திப 13:35.. ]
சங்கீதம் 16 : 11 (ECTA)
வாழ்வின் வழியை நான் அறியச் செய்வீர்; உமது முன்னிலையில் எனக்கு நிறைவான மகிழ்ச்சி உண்டு; உமது வலப்பக்கத்தில் எப்போதும் பேரின்பம் உண்டு. [* திப 2:25- 28 ]
❮
❯
1
2
3
4
5
6
7
8
9
10
11