Tamil Bible Presentation Sharing - Psalms Book, chapter 116, verse 15 in Ecta Version

சங்கீதம் 116 : 1 (ECTA)

சாவினின்று தப்பியவர் பாடியது அல்லேலூயா! ஆண்டவர்மீது அன்புகூர்கின்றேன்; ஏனெனில், எனக்கு இரங்குமாறு நான் எழுப்பிய குரலை அவர் கேட்டருளினார்.

சங்கீதம் 116 : 2 (ECTA)

அவரை நான் மன்றாடிய நாளில், எனக்கு அவர் செவிசாய்த்தார்.

சங்கீதம் 116 : 3 (ECTA)

சாவின் கயிறுகள் என்னைப் பிணித்துக் கொண்டன; பாதாளத்தின் துன்பங்கள் என்னைப் பற்றிக் கொண்டன; துன்பமும் துயரமும் என்னை ஆட்கொண்டன.

சங்கீதம் 116 : 4 (ECTA)

நான் ஆண்டவரது பெயரைத் தொழுதேன்; ‛ஆண்டவரே! என் உயிரைக் காத்தருளும்’ என்று கெஞ்சினேன். [* திபா 135:15-18; திவெ 9: 20 ]

சங்கீதம் 116 : 5 (ECTA)

ஆண்டவர் அருளும் நீதியும் கொண்டவர்; நம் கடவுள் இரக்கம் உள்ளவர். [* திபா 135:15-18; திவெ 9: 20 ]

சங்கீதம் 116 : 6 (ECTA)

எளிய மனத்தோரை ஆண்டவர் பாதுகாக்கின்றார்; நான் தாழ்த்தப்பட்டபோது எனக்கு மீட்பளித்தார். [* திபா 135:15-18; திவெ 9: 20 ]

சங்கீதம் 116 : 7 (ECTA)

‛என் நெஞ்சே! நீ மீண்டும் அமைதிகொள்; ஏனெனில், ஆண்டவர் உனக்கு நன்மை செய்தார்’. [* திபா 135:15-18; திவெ 9: 20 ]

சங்கீதம் 116 : 8 (ECTA)

என் உயிரைச் சாவினின்று விடுவித்தார்; என் கண் கலங்காதபடியும் என் கால் இடறாதபடியும் செய்தார். [* திபா 135:15-18; திவெ 9: 20 ]

சங்கீதம் 116 : 9 (ECTA)

உயிர் வாழ்வோர் நாட்டில், நான் ஆண்டவர் திருமுன் வாழ்ந்திடுவேன்.

சங்கீதம் 116 : 10 (ECTA)

‛மிகவும் துன்புறுகிறேன்!’ என்று சொன்னபோதும் நான் நம்பிக்கையோடு இருந்தேன்.

சங்கீதம் 116 : 11 (ECTA)

‛எந்த மனிதரையும் நம்பலாகாது’ என்று என் மனக்கலக்கத்தில் நான் சொன்னேன்.

சங்கீதம் 116 : 12 (ECTA)

ஆண்டவர் எனக்குச் செய்த எல்லா நன்மைகளுக்காகவும் நான் அவருக்கு என்ன கைம்மாறு செய்வேன்?

சங்கீதம் 116 : 13 (ECTA)

மீட்பின் கிண்ணத்தைக் கையில் எடுத்து, ஆண்டவரது பெயரைத் தொழுவேன். [* திவெ 11:18; 19:5.. ]

சங்கீதம் 116 : 14 (ECTA)

இதோ! ஆண்டவருடைய மக்கள் அனைவரின் முன்னிலையில் அவருக்கு என் பொருத்தனைகளை நிறைவேற்றுவேன்.

சங்கீதம் 116 : 15 (ECTA)

ஆண்டவர்தம் அன்பர்களின் சாவு அவரது பார்வையில் மிக மதிப்புக்குரியது.

சங்கீதம் 116 : 16 (ECTA)

ஆண்டவரே! நான் உண்மையாகவே உம் ஊழியன்; நான் உம் பணியாள்; உம் அடியாளின் மகன்; என் கட்டுகளை நீர் அவிழ்த்துவிட்டீர்.

சங்கீதம் 116 : 17 (ECTA)

நான் உமக்கு நன்றிப் பலி செலுத்துவேன்; ஆண்டவராகிய உம் பெயரைத் தொழுவேன்;

சங்கீதம் 116 : 18 (ECTA)

இப்பொழுதே உம் மக்கள் அனைவரின் முன்னிலையில் ஆண்டவரே! உமக்கு என் பொருத்தனைகளை நிறைவேற்றுவேன்;

சங்கீதம் 116 : 19 (ECTA)

உமது இல்லத்தில் முற்றங்களில், எருசலேமின் நடுவில், ஆண்டவரே! உமக்கு என் பொருத்தனைகளை நிறைவேற்றுவேன். அல்லேலூயா!