ஏசாயா 47 : 1 (ECTA)
பாபிலோனுக்கு எதிரான தண்டனைத் தீர்ப்பு மகள் பாபிலோனே, கன்னிப் பெண்ணே! நீ இறங்கி வந்து புழுதியில் உட்கார்; மகள் கல்தேயா! அரியணையில் அன்று, தரையினில் அமர்ந்திடு; ‘மெல்லியலாள்’, ‘இனியவள்’ என்று இனி நீ அழைக்கப்படாய். [* எசா 13:1-14:23; எரே 50:1; 51: 64 ]
ஏசாயா 47 : 2 (ECTA)
எந்திரக் கற்களைப் பிடித்து மாவரை; உன் முக்காடுதனை அகற்றிவிடு; உன் மேலாடையைக் களைந்துவிட்டு, உன் கால்தெரிய ஆறுகளைக் கடப்பாய். [* எசா 13:1-14:23; எரே 50:1; 51: 64 ]
ஏசாயா 47 : 3 (ECTA)
உன் பிறந்தமேனி திறக்கப்படும்; உன் மானக்கேடு வெளிப்படும்; நான் பழி வாங்குவேன்; எந்த ஆளையும் விட்டுவையேன். [* எசா 13:1-14:23; எரே 50:1; 51: 64 ]
ஏசாயா 47 : 4 (ECTA)
எங்கள் மீட்பரின் பெயர் ‘படைகளின் ஆண்டவர்’; அவரே ‘இஸ்ரயேலின் தூயவர்’. [* எசா 13:1-14:23; எரே 50:1; 51: 64 ]
ஏசாயா 47 : 5 (ECTA)
மகள் கல்தேயா! இருளுக்குள் புகுந்து மௌனமாய் உட்கார்; இனி நீ ‘அரசுகளின் தலைவி’ என அழைக்கப்படமாட்டாய். [* எசா 13:1-14:23; எரே 50:1; 51: 64 ]
ஏசாயா 47 : 6 (ECTA)
நான் என் மக்கள் மீது சினமுற்றிருந்தேன்; என் உரிமைச் சொத்தைக் களங்கப்படுத்தினேன்; அவர்களை உன் கையில் ஒப்படைத்தேன்; நீயோ அவர்களுக்குக் கருணை காட்டவில்லை; முதியோராய் இருந்தோர் மீதும் மிகப் பளுவான நுகத்தைப் பூட்டினாய். [* எசா 13:1-14:23; எரே 50:1; 51: 64 ]
ஏசாயா 47 : 7 (ECTA)
‘என்றும் தலைவி நானே, என்றாய் நீ; இவற்றை நீ உன் சிந்தையில் கொள்ளவில்லை; பின் விளைவுபற்றி எண்ணிப் பார்க்கவுமில்லை. [* எசா 13:1-14:23; எரே 50:1; 51: 64 ]
ஏசாயா 47 : 8 (ECTA)
இன்ப நாட்டம் கொண்டவளே, போலிப் பாதுகாப்புடன் வாழ்பவளே, ‘எனக்கு நிகர் நானே, வேறு எவருமில்லை; நான் கைம்பெண் ஆகமாட்டேன்; பிள்ளை இழந்து தவிக்கமாட்டேன்’ என்று தனக்குள் சொல்லிக் கொள்பவளே, இப்பொழுது இதைக் கேள்: [* எசா 13:1-14:23; எரே 50:1; 51: 64 ; திவெ 18:7-8.. ]
ஏசாயா 47 : 9 (ECTA)
இவை இரண்டும் திடீரென ஒரே நாளில் உனக்கு நேரிடும்; பில்லி சூனியங்கள் பலவற்றை நீ கையாண்டாலும், ஆற்றல்மிகு மந்திரங்களை உச்சரித்தாலும், பிள்ளை இழப்பும் கைம்மையும் முழுவடிவில் உன் மேல் வந்தே தீரும். [* எசா 13:1-14:23; எரே 50:1; 51: 64 ; திவெ 18:7-8.. ]
ஏசாயா 47 : 10 (ECTA)
உன் தீச்செயலில் நீ நம்பிக்கை வைத்தாய்; ‘என்னைக் காண்பார் யாருமில்லை’ என்றாய். உன் ஞானமும் உன் அறிவுத்திறனும் உன்னை நெறிபிறழச் செய்தன; ‘எனக்கு நிகர் நானே, வேறு எவருமில்லை’ என்று உன் உள்ளத்தில் சொல்லிக்கொண்டாய். [* எசா 13:1-14:23; எரே 50:1; 51: 64 ]
ஏசாயா 47 : 11 (ECTA)
தீமை உன்மேல் திண்ணமாய் வரும்; அது தோன்றும் திக்கை நீ அறியாய்; அழிவு உன்மேல் விழும்; அதற்கு கழுவாய் தேட உன்னால் இயலாது; நீ அறியாத பேரழிவு திடீரென உன்மேல் வரும். [* எசா 13:1-14:23; எரே 50:1; 51: 64 ]
ஏசாயா 47 : 12 (ECTA)
இளமை முதல் நீ முயன்று பயின்ற உன் மந்திரங்களோடும் பில்லி சூனியங்களோடும் வந்து நில்; ஒருவேளை உன்னால் சிறிது வெற்றி பெற முடியும்; ஒருவேளை உன் எதிரியை அச்சுறுத்த முடியும். [* எசா 13:1-14:23; எரே 50:1; 51: 64 ]
ஏசாயா 47 : 13 (ECTA)
திட்டங்கள் தீட்டியே நீ சோர்வுற்றாய்; வான்வெளியைக் கணிப்போரும், விண்மீன்களை ஆய்வோரும் நிகழவிருப்பதை அமாவாசைகளில் உனக்கு முன்னுரைப்போரும், வந்துநின்று உன்னை விடுவிக்கட்டும். [* எசா 13:1-14:23; எரே 50:1; 51: 64 ]
ஏசாயா 47 : 14 (ECTA)
இதோ, அவர்கள் பதர் போன்றவர்கள், நெருப்பு அவர்களைப் பொசுக்கி விடும்; தீப்பிழம்பினின்று தம் உயிரைக் காத்துக்கொள்ள மாட்டார்கள்; அது குளிர்காயப் பயன்படும் தணல் அன்று; எதிரே உட்காரத் தக்க கனலும் அன்று. [* எசா 13:1-14:23; எரே 50:1; 51: 64 ]
ஏசாயா 47 : 15 (ECTA)
நீ முயன்று பயின்றவையும் இவ்வாறே அழிவுறும்; உன் இளமை முதல் நீ தொடர்பு கொண்ட வணிகருக்கும்
இதுவே நேரும்; ஒவ்வொருவரும் தம் போக்கிலே அலைந்து திரிவார்; உன்னை விடுவிக்க எவரும் இரார். [* எசா 13:1-14:23; எரே 50:1; 51: 64 ]
❮
❯
1
2
3
4
5
6
7
8
9
10
11
12
13
14
15