2 சாமுவேல் 23 : 1 (ECTA)
தாவீதின் இறுதி மொழிகள் மேன்மை மிக்கவரும் யாக்கோபின் கடவுளிடம் திருப்பொழிவு பெற்றவரும் இஸ்ரயேலின் இனிமைமிகு பாடகரும் ஈசாயின் மைந்தருமான தாவீதின் இறுதி மொழிகளாவன:
2 சாமுவேல் 23 : 2 (ECTA)
ஆண்டவரின் ஆவி என் மூலம் பேசினார்; அவரது வார்த்தை என் நாவில் ஒலித்தது.
2 சாமுவேல் 23 : 3 (ECTA)
இஸ்ரயேலின் கடவுள் என்னோடு பேசினார்; ‘இஸ்ரயேலின் பாறை’ எனக்குக் கூறினார். ‘மானிடரை நீதியோடு ஆள்பவன், இறை அச்சத்துடன் ஆள்பவன்.
2 சாமுவேல் 23 : 4 (ECTA)
விடியற்கால ஒளியெனத் திகழ்கின்றான்; முகிலற்ற காலை கதிரவனென ஒளிர்கின்றான்; மண்ணின்று புல் முளைக்கச் செய்யும் மழையென விளங்குகின்றான்’.
2 சாமுவேல் 23 : 5 (ECTA)
என் குடும்பம் இறைவனோடு இணைந்துள்ளது அன்றோ? அனைத்திலும் திட்டமிடப்பட்டு, உறுதியாக்கப்பட்டு, என்றும் நிலைக்கும் உடன்படிக்கையை அவர் என்னோடு செய்து கொண்டார். என் அனைத்து மீட்பும் விருப்பும்’ அவரால் உயர்வு பெறாதோ?
2 சாமுவேல் 23 : 6 (ECTA)
(6-7) இழிமக்கள் அனைவரும் இரும்புத் தடியும் ஈட்டிக்கோலும் கொண்டு, நெருப்பால் முற்றிலும் சுட்டெரிக்கப்படுவனவும் கையால் தொடத்தகாதவனவுமான காட்டு முட்களைப் போன்றவர்.
2 சாமுவேல் 23 : 8 (ECTA)
தாவீதின் புகழ்மிகு வீரர்கள்
(1 குறி 11:10-41) தாவீதோடிருந்த வீரர்களின் பெயர்கள்: தக்கமோனியன் யோசப்பாசெபத்து, மூவருள் முதல்வனாக இருந்த அவன், ‘எஸ்னீயன் அதினோ’ என்று அழைக்கப்பட்டான். ஏனெனில், அவன் ஒரே சமயத்தில் எண்ணூறு பேரைத் தாக்கிக் கொன்றான்.
2 சாமுவேல் 23 : 9 (ECTA)
அவனுக்கு அடுத்தவன் அகோகிக்குப் பிறந்த தோதோவின் மகன் எலியாசர். போரிடுமாறு ஒன்று திரண்டு வந்த பெலிஸ்தியரை எதிர்த்துச் சென்றபோது தாவீதுடன் இருந்த வலிமைமிகு வீரர் மூவருள் ஒருவன் அவன். முதலில் இஸ்ரயேலர் பின்வாங்கினர்.
2 சாமுவேல் 23 : 10 (ECTA)
அப்பொழுது அவன் தனித்து நின்று, கை சோர்வுற்று வாளோடு ஒட்டிக்கொள்ளும் அளவுக்குப் பெலிஸ்தியரைத் தாக்கினான். ஆண்டவர் அன்று பெரும் வெற்றியைத் தந்தார். அவன் வீரர்கள் அவனை கொள்ளையடிப்பதற்காக அவனிடம் திரும்பினர்.
2 சாமுவேல் 23 : 11 (ECTA)
அடுத்தவன் ஆராரியன் ஆகேயின் மகன் சம்பா. பயறு நிறைந்த வயல் ஒன்றில் பெலிஸ்தியர் கூட்டமாகத் திரள, மக்கள் புறமுதுகு காட்டி அவர்கள்முன் ஓடினார்கள்.
2 சாமுவேல் 23 : 12 (ECTA)
அப்போது அவன் வயல் நடுவே நின்று அதைப் பாதுகாத்தான்; பெலிஸ்தியரை வெட்டி வீழ்த்தினான். ஆண்டவர் மாபெரும் வெற்றியைத் தந்தார்.
2 சாமுவேல் 23 : 13 (ECTA)
முப்பது படைத்தலைவருள் மூவர் அறுவடைக் காலத்தில் தாவீது தங்கியிருந்த அதுல்லாம் குகைக்கு வந்தனர். அரக்கர்களின் கணவாயில் பெலிஸ்தியர் கூட்டம் பாளையமிறங்கி இருந்தது.
2 சாமுவேல் 23 : 14 (ECTA)
அப்போது தாவீது பாதுகாப்பான கோட்டைக்குள் இருந்தார். பெலிஸ்தியர் பெத்லகேமில் இருந்தனர்.
2 சாமுவேல் 23 : 15 (ECTA)
தாவீது ஏக்கத்துடன், “பெத்லகேம் வாயிலருகே உள்ள கிணற்றிலிருந்து எனக்குக் குடிக்கத் தருபவன் யார்?” என்று கேட்டார்.
2 சாமுவேல் 23 : 16 (ECTA)
அம்மூன்று வலிமைமிகு வீரரும் பெலிஸ்தியரின் அணிகளுக்குள் புகுந்து சென்று பெத்லகேம் வாயிலருகே உள்ள கிணற்றிலிருந்து நீர் மொண்டு, அதைத் தாவீதிடம் எடுத்து வந்தனர். தாவீதோ அதைக் குடிக்க விரும்பாமல் ஆண்டவருக்காக வெளியே ஊற்றினார்.
2 சாமுவேல் 23 : 17 (ECTA)
“தங்கள் உயிரைப் பணயம் வைத்துச் சென்றவர்களின் இரத்தமன்றோ இது! ஆண்டவரே, இதை நான் எவ்வாறு குடிக்க முடியும்?” என்று சொல்லி, அவர் அதைக் குடிக்க விரும்பவில்லை. இம் மூன்று வீரரும் ஆற்றிய செயல்கள் இவையே!
2 சாமுவேல் 23 : 18 (ECTA)
யோவாபின் சகோதரன், செரூயாவின் மகன் அபிசாய் முப்பதின்மருக்குத் தலைவனாக இருந்தான். அவன் முந்நூறு பேருக்கு எதிராகத் தன் ஈட்டியைச் சுழற்றி அவர்களைக் கொன்றான். மூவருக்கு* இணையாக அவன் பெயர் பெற்றவன். * சில எபிரேய ஏடுகளில் ‘முப்பது’ என்பது பாடம்.
2 சாமுவேல் 23 : 19 (ECTA)
அம்முப்பதின்மரில் அவனல்லவோ அதிகப் புகழ் பெற்றிருந்தான்? அவர்களின் தலைவனும் அவனே, ஆயினும், முன்னைய மூவருக்கும் அவன் சமமாகஇல்லை.
2 சாமுவேல் 23 : 20 (ECTA)
கப்சவேலைச் சார்ந்த யோயாதாவின் மகன் பெனாயா பல வீரச் செயல்கள் புரிந்தவன். சிங்கம் போன்ற இரு மோவாபிய வீரரைக் கொன்றவன். பனி பெய்து கொண்டிருந்த ஒருநாள் குகைக்குள் அவன் சென்று ஒரு சிங்கத்தைக் கொன்றான்.
2 சாமுவேல் 23 : 21 (ECTA)
உருவில் பெரிய ஒரு எகிப்தியனை அவன் கொன்று போட்டான். ஈட்டியைக் கையில் கொண்டிருந்த அந்த எகிப்தியனிடம் இவன் ஒரு கோலோடு சென்று, ஈட்டியை அவன் கையிலிருந்து பிடுங்கினான். பின் அவன் ஈட்டியைக் கொண்டே அவனைக் கொன்றான்.
2 சாமுவேல் 23 : 22 (ECTA)
யோயாதாவின் மகன் பெனாயா இவற்றைச் செய்து, முதல் மூவருக்கு இணையாகப் பெயர் பெற்றுத் திகழ்ந்தான்.
2 சாமுவேல் 23 : 23 (ECTA)
முப்பது பேரில் அவனும் புகழ் பெற்றிருந்தான். ஆனால், முதல் மூவருக்கு அவன் சமமாக இல்லை. ஆயினும், அவனைத் தாவீது தன் மெய்க்காப்பாளனாக ஏற்படுத்தினார்.
2 சாமுவேல் 23 : 24 (ECTA)
யோவாபின் சகோதரன் அசாவேல் முப்பது பேரில் ஒருவன். அவர்கள் யாரெனில், பெத்லகேமைச் சார்ந்த தோதோவின் மகன் எல்கானான்.
2 சாமுவேல் 23 : 25 (ECTA)
அரோதியன் சம்மா, அரோதியன் எலிக்கா, * (காண் 1 குறி )..
2 சாமுவேல் 23 : 26 (ECTA)
பல்தியன் ஏலேசு, தெக்கோவைச்சார்ந்த இக்கேசின் மகன் ஈரா,
2 சாமுவேல் 23 : 27 (ECTA)
அனத்தோத்தியன் அபியேசர், ஊசாத்தியன் மெபுன்னாய்,
2 சாமுவேல் 23 : 28 (ECTA)
அகோகியன் சல்மோன், நெற்றோபாயன் மகராய்,
2 சாமுவேல் 23 : 29 (ECTA)
நெற்றோபாயன் பானாவின் மகன் ஏலேபு, பென்யமினியரின் கிபயாவைச் சார்ந்த இரிபாயின் மகன் இத்தாய்,
2 சாமுவேல் 23 : 30 (ECTA)
பிரத்தோனியன் பெனாயா, காகசு நீரோடைகளின் இதாய்,
2 சாமுவேல் 23 : 31 (ECTA)
அர்பாத்தியன் அபிஅல்போன், பர்குமியன் அஸ்மவேத்து,
2 சாமுவேல் 23 : 32 (ECTA)
சால்போனியன் எலியகுபா, யாசேனின் மகன் யோனத்தான்,
2 சாமுவேல் 23 : 33 (ECTA)
அராரியன் சம்மா, அராரியன் சாராரின் மகன் அகீயாம்,
2 சாமுவேல் 23 : 34 (ECTA)
மாகாத்தியன் அகஸ்பாயியின் மகன் எலிபலேற்று, கிலோனியன் அகித்தோபலின் மகன் எலியாம்,
2 சாமுவேல் 23 : 35 (ECTA)
கர்மேலியன் எட்சரோ, அர்பியன் பாராய்,
2 சாமுவேல் 23 : 36 (ECTA)
சோபாவைச் சார்ந்த நாத்தானின் மகன் இகால், காத்தியன்பானி,
2 சாமுவேல் 23 : 37 (ECTA)
அம்மோனியனின் செலேக்கு, செரூயாவின் மகனும் யோவாபின் படைக்கலன் தாக்குவோனுமான பெயரோத்தியன் நகராய்,
2 சாமுவேல் 23 : 38 (ECTA)
இத்ரியன் ஈரா, இத்ரியன் காரேபு,
2 சாமுவேல் 23 : 39 (ECTA)
இத்தியன் உரியா, இவர்கள் அனைவருமே அந்த முப்பது பேர்.
❮
❯