1. நீதிமான்களே, யெகோவாவுக்குள் சந்தோஷமாக இருங்கள்; [QBR] துதிசெய்வது நேர்மையானவர்களுக்குத் தகும். [QBR]
2. சுரமண்டலத்தினால் யெகோவாவை துதித்து, [QBR] பத்து நரம்பு வீணையினாலும் அவரை புகழ்ந்து பாடுங்கள். [QBR]
3. அவருக்குப் புதுப்பாட்டைப் பாடுங்கள்; [QBR] ஆனந்த சத்தத்தோடு வாத்தியங்களை நேர்த்தியாக வாசியுங்கள். [QBR]
4. யெகோவாவுடைய வார்த்தை உத்தமமும், [QBR] அவருடைய செய்கையெல்லாம் சத்தியமுமாயிருக்கிறது. [QBR]
5. அவர் நீதியிலும் நியாயத்திலும் பிரியப்படுகிறார்; [QBR] பூமி யெகோவாவுடைய கருணையினால் நிறைந்திருக்கிறது. [QBR]
6. யெகோவாவுடைய வார்த்தையினால் வானங்களும், [QBR] அவருடைய வாயின் சுவாசத்தினால் அவைகளின் அனைத்தும் உண்டாக்கப்பட்டது. [QBR]
7. அவர் கடலின் தண்ணீர்களைக் குவியலாகச் சேர்த்து, [QBR] ஆழமான தண்ணீர்களைப் பொக்கிஷவைப்பாக வைக்கிறார். [QBR]
8. பூமியெல்லாம் யெகோவாவுக்குப் பயப்படுவதாக; [QBR] உலகத்திலுள்ள குடிமக்களெல்லாம் அவருக்கு பயந்திருப்பதாக. [QBR]
9. அவர் சொல்ல ஆகும், அவர் கட்டளையிட நிற்கும். [QBR]
10. யெகோவா தேசங்களின் ஆலோசனையை வீணடித்து, [QBR] மக்களுடைய நினைவுகளை பயனற்றதாக ஆக்குகிறார். [QBR]
11. யெகோவாவுடைய ஆலோசனை நிரந்தரகாலமாகவும், [QBR] அவருடைய இருதயத்தின் நினைவுகள் தலைமுறை தலைமுறையாகவும் நிற்கும். [QBR]
12. யெகோவாவை தங்களுக்குத் தெய்வமாகக்கொண்ட தேசமும், [QBR] அவர் தமக்குச் சொந்தமாகத் தெரிந்துகொண்ட மக்களும் பாக்கியமுள்ளது. [QBR]
13. யெகோவா வானத்திலிருந்து நோக்கிப்பார்த்து, எல்லா மனிதர்களையும் காண்கிறார். [QBR]
14. தாம் தங்கியிருக்கிற இடத்திலிருந்து பூமியின் குடிமக்கள் எல்லோர்மேலும் கண்ணோக்கமாக இருக்கிறார். [QBR]
15. அவர்களுடைய இருதயங்களையெல்லாம் அவர் உருவாக்கி, அவர்கள் செய்கைகளையெல்லாம் கவனித்திருக்கிறார். [QBR]
16. எந்த ராஜாவும் தன்னுடைய ராணுவத்தின் மிகுதியால் காப்பாற்றப்படமாட்டான்; [QBR] போர்வீரனும் தன்னுடைய பலத்தின் மிகுதியால் தப்பமாட்டான். [QBR]
17. காப்பாற்றுவதற்கு குதிரை வீண்; [QBR] அது தன்னுடைய மிகுந்த பலத்தால் காப்பாற்றாது. [QBR]
18. தமக்குப் பயந்து, தமது கிருபைக்குக் காத்திருக்கிறவர்களின் ஆத்துமாக்களை மரணத்திற்கு விலக்கி விடுவிக்கவும்; [QBR]
19. பஞ்சத்தில் அவர்களை உயிரோடு காக்கவும், [QBR] யெகோவாவுடைய கண் அவர்கள்மேல் நோக்கமாக இருக்கிறது. [QBR]
20. நம்முடைய ஆத்துமா யெகோவாவுக்குக் காத்திருக்கிறது; [QBR] அவரே நமக்குத் துணையும் நமக்குக் கேடகமுமானவர். [QBR]
21. அவருடைய பரிசுத்த பெயரை நாம் நம்பியிருக்கிறபடியால், [QBR] நம்முடைய இருதயம் அவருக்குள் சந்தோசமாக இருக்கும். [QBR]
22. யெகோவாவே, நாங்கள் உம்மை நம்பியிருக்கிறபடியே உமது கிருபை எங்கள்மேல் இருப்பதாக. [PE]