1. {யோபுவின் வார்த்தைகள்} [PS] யோபு மறுமொழியாக: [QBR]
2. “என் பிரச்சனைகளும், [QBR] துன்பங்களும் தராசிலே வைக்கப்பட்டு நிறுக்கப்பட்டால், நலமாயிருக்கும். [QBR]
3. அப்பொழுது அது கடற்கரை மணலைவிட பாரமாயிருக்கும்; [QBR] ஆகையால் என் துக்கம் சொல்லிமுடியாது. [QBR]
4. சர்வவல்லமையுள்ள தேவனின் அம்புகள் எனக்குள் தைத்திருக்கிறது; [QBR] அவைகளின் விஷம் என் உயிரைக் குடிக்கிறது; [QBR] தேவனால் உண்டாகும் பயங்கரங்கள் [QBR] எனக்கு முன்பாக அணியணியாக நிற்கிறது. [QBR]
5. புல் இருக்கிற இடத்திலே காட்டுக்கழுதை கத்துமோ? [QBR] தனக்குத் தீவனமிருக்கிற இடத்திலே எருது கதறுமோ? [QBR]
6. ருசியில்லாத பதார்த்தத்தை உப்பில்லாமல் சாப்பிடமுடியுமோ? [QBR] முட்டையின் வெள்ளைக்கருவில் சுவை உண்டோ? [QBR]
7. உங்கள் வார்த்தைகளை என் ஆத்துமா தொடமாட்டேன் என்கிறது; [QBR] அவைகள் வெறுப்பான உணவுபோல இருக்கிறது. [QBR]
8. ஆ, என் மன்றாட்டு எனக்கு அருளப்பட்டு, [QBR] நான் விரும்புவதை தேவன் எனக்குத் தந்து, [QBR]
9. தேவன் என்னை நொறுக்க விரும்பி, [QBR] தம்முடைய கையை நீட்டி என்னை கொன்றுபோட்டால் நலமாயிருக்கும். [QBR]
10. அப்பொழுதாவது எனக்கு ஆறுதல் இருக்குமே; [QBR] அப்பொழுது என்னை விட்டு நீங்காத வியாதியினால் [QBR] உணர்வில்லாமல் இருப்பேன்; [QBR] பரிசுத்தருடைய வார்த்தைகளை நான் மறைத்துவைக்கவில்லை, [QBR] அவர் என்னைக் கைவிடமாட்டார். [QBR]
11. நான் காத்துக்கொண்டிருக்க என் பெலன் எம்மாத்திரம்? [QBR] என் வாழ்நாள் நீடித்திருக்கச் செய்ய என் முடிவு எப்படிப்பட்டது? [QBR]
12. என் பெலன் கற்களின் பெலனோ? என் உடல் வெண்கலமோ? [QBR]
13. எனக்கு உதவியானது ஒன்றும் இல்லையல்லவோ? [QBR] உதவி என்னைவிட்டு நீங்கிவிட்டதே. [QBR]
14. உபத்திரவப்படுகிறவனுக்கு அவனுடைய நண்பரால் தயவு கிடைக்கவேண்டும்; [QBR] அவனோ சர்வவல்லமையுள்ள தேவனுக்குப் பயப்படாமல் போகிறான். [QBR]
15. என் சகோதரர் காட்டாறுபோல மோசம்செய்கிறார்கள்; ஆறுகளின் வெள்ளத்தைப்போலக் கடந்துபோகிறார்கள். [QBR]
16. அவைகள் குளிர்காலப் பனிக்கட்டியினாலும், [QBR] அதில் விழுந்திருக்கிற உறைந்த மழையினாலும் கலங்கலாகி, [QBR]
17. வெப்பம் கண்டவுடனே உருகி வற்றி, [QBR] சூடு பட்டவுடனே தங்கள் இடத்தில் உருகிப்போகின்றன. [QBR]
18. அவைகளுடைய வழிகளின் போக்குகள் இங்குமங்கும் பிரியும்; [QBR] அவைகள் வீணாக பரவி ஒன்றுமில்லாமற்போகும். [QBR]
19. தேமாவின் பயணக்காரர் தேடி, [QBR] சேபாவின் பயணக்கூட்டங்கள் [QBR] அவைகள்மேல் நம்பிக்கை வைத்து, [QBR]
20. தாங்கள் இப்படி நம்பினதினாலே வெட்கப்படுகிறார்கள்; [QBR] அவ்விடம்வரை வந்து கலங்கிப்போகிறார்கள். [QBR]
21. அப்படியே நீங்களும் இப்பொழுது ஒன்றுக்கும் உதவாமற்போனீர்கள்; [QBR] என் ஆபத்தைக் கண்டு பயப்படுகிறீர்கள். [QBR]
22. எனக்கு ஏதாகிலும் கொண்டு வாருங்கள் என்றும், [QBR] உங்கள் செல்வத்திலிருந்து எனக்கு ஏதாவது பணம் கொடுங்கள் என்றும்; [QBR]
23. அல்லது சத்துருவின் கைக்கு என்னை காப்பாற்றுங்கள், [QBR] கொடியவரின் கைக்கு என்னை தப்புவித்து காப்பாற்றிவிடுங்கள் என்றும் நான் சொன்னதுண்டோ? [QBR]
24. எனக்கு பதில் சொல்லுங்கள், நான் மவுனமாயிருப்பேன்; [QBR] நான் எதிலே தவறுசெய்தேனோ அதை எனக்குத் தெரியப்படுத்துங்கள். [QBR]
25. உண்மையான வார்த்தைகளில் எவ்வளவு வல்லமை உண்டு? [QBR] உங்கள் கடிந்துகொள்ளுதலினால் காரியம் என்ன? [QBR]
26. கடிந்துகொள்ள நீங்கள் வார்த்தைகளை யோசித்து, [QBR] நம்பிக்கையற்றவனுடைய வார்த்தைகளைக் காற்றிலே விட்டுவிடுகிறீர்களோ? [QBR]
27. இப்படிச் செய்து திக்கற்றவன்மேல் நீங்கள் விழுந்து, [QBR] உங்கள் நண்பனுக்குப் படுகுழியை வெட்டுகிறீர்கள். [QBR]
28. இப்போதும் உங்களுக்கு விருப்பமானால் என்னை நோக்கிப் பாருங்கள்; [QBR] அப்பொழுது நான் பொய்சொல்லுகிறேனோ என்று உங்களுக்கு வெளிப்படையாகத் தெரியும். [QBR]
29. நீங்கள் திரும்ப யோசித்து பாருங்கள்; [QBR] அநீதி காணப்படாதிருக்கும்; [QBR] திரும்ப சிந்தியுங்கள் என் நீதி அதிலே வெளிப்படும். [QBR]
30. என் நாவிலே அநீதி உண்டோ? [QBR] என் வாய் ஆகாதவைகளைப் பகுத்தறியாதோ? [PE]