1. பின்னும் எலிகூ மறுமொழியாக: [QBR]
2. “ஞானிகளே, என் வார்த்தைகளைக் கேளுங்கள்; [QBR] அறிவாளிகளே, எனக்குச் செவிகொடுங்கள். [QBR]
3. வாயானது ஆகாரத்தை ருசிபார்க்கிறதுபோல, [QBR] காதானது வார்த்தைகளைச் சோதித்துப்பார்க்கும். [QBR]
4. நமக்காக நியாயமானதைத் தெரிந்துகொள்வோமாக; [QBR] நன்மை இன்னதென்று நமக்குள்ளே அறிந்துகொள்வோமாக. [QBR]
5. யோபு: நான் நீதிமான்; [QBR] தேவன் என் நியாயத்தைத் தள்ளிவிட்டார் என்றும், [QBR]
6. நியாயம் என்னிடத்தில் இருந்தும் நான் பொய்யனென்று எண்ணப்படுகிறேன்; [QBR] மீறுதல் இல்லாதிருந்தும், [QBR] அம்பினால் எனக்கு இருந்த காயம் ஆறாததாயிருக்கிறதென்றும் சொன்னாரே. [QBR]
7. யோபைப் போலவே, கேலிசெய்வதை தண்ணீரைப்போல் குடித்து, [QBR]
8. அக்கிரமக்காரருடன் சேர்ந்துகொண்டு, [QBR] துன்மார்க்கருடன் சுற்றுகிறவன் யார்? [QBR]
9. எப்படியென்றால், தேவன்மேல் அன்பு வைக்கிறது [QBR] மனிதனுக்குப் பயன் அல்ல என்றாரே. [QBR]
10. ஆகையால் புத்திமான்களே, எனக்குச் செவிகொடுங்கள்; [QBR] அநீதி தேவனுக்கும், [QBR] சர்வவல்லமையுள்ள தேவனுக்கும் தூரமாயிருக்கிறது. [QBR]
11. மனிதனுடைய செயல்களுக்கு ஏற்ப அவனுக்குச் சரிக்கட்டி, [QBR] அவனவன் நடக்கைகளுக்கு ஏற்ப அவனவனுக்குப் பலனளிக்கிறார். [QBR]
12. தேவன் அநியாயம் செய்யாமலும், [QBR] சர்வவல்லமையுள்ள தேவன் நீதியைப் புரட்டாமலும் இருக்கிறது உண்மையே. [QBR]
13. பூமியின்மேல் மனிதனுக்கு அதிகாரம் கொடுத்தவர் யார்? [QBR] உலகம் முழுவதையும் ஒழுங்குபடுத்தினவர் யார்? [QBR]
14. அவர் தம்முடைய இருதயத்தை அவனுக்கு விரோதமாகத் திருப்பினாரென்றால், [QBR] அவனுடைய ஆவியையும் அவனுடைய சுவாசத்தையும் தம்மிடத்தில் இழுத்துக்கொள்வார். [QBR]
15. அப்படியே உயிரினங்கள் அனைத்தும் இறந்துபோகும், [QBR] மனிதன் மண்ணுக்குத் திரும்புவான். [QBR]
16. உமக்கு உணர்விருந்தால் இதைக் கேளும், [QBR] என் வார்த்தைகளின் சத்தத்தைக் கேளும். [QBR]
17. நீதியைப் பகைக்கிற ஒருவன் ஆள முடியுமோ? [QBR] மகா நீதிபரரைக் குற்றப்படுத்துவீரோ? [QBR]
18. ஒரு ராஜாவைப் பார்த்து, [QBR] நீ பொல்லாதவன் என்றும், அதிபதிகளைப் பார்த்து, [QBR] நீங்கள் அக்கிரமக்காரர் என்றும் சொல்ல முடியுமோ? [QBR]
19. இப்படியிருக்க, பிரபுக்களின் முகத்தைப்பார்க்காமலும், [QBR] ஏழையைவிட செல்வந்தனை அதிகமாக நினைக்காமலும் இருக்கிறவரை நோக்கி [QBR] இப்படிச் சொல்லலாமா? [QBR] இவர்கள் எல்லோரும் அவர் கரங்களின் செயல்களே. [QBR]
20. இப்படிப்பட்டவர்கள் உடனே இறப்பார்கள்; [QBR] மக்கள் நடுஇரவில் கலங்கி இறந்துபோவார்கள்; [QBR] பார்க்காத கையினால் பலவந்தர் அழிந்துபோவார்கள். [QBR]
21. அவருடைய கண்கள் மனிதருடைய வழிகளை நோக்கியிருக்கிறது; [QBR] அவர்களுடைய நடைகளையெல்லாம் அவர் பார்க்கிறார். [QBR]
22. அக்கிரமக்காரர் ஒளிந்துகொள்ளக்கூடிய இருளுமில்லை, [QBR] மரணஇருளுமில்லை. [QBR]
23. மனிதன் தேவனுடன் வழக்காடுவதற்கு [QBR] அவர் அவன்மேல் அதிகமானதொன்றையும் சுமத்தமாட்டார். [QBR]
24. ஆராய்ந்து முடியாதவிதத்தில், [QBR] நியாயமாக அவர் வல்லமையுள்ளவர்களை நொறுக்கி, [QBR] வேறு மனிதரை அவர்கள் இடத்திலே நிறுத்துகிறார். [QBR]
25. அவர்களின் செயல்களை அவர் அறிந்தவர் என்பதினால், [QBR] அவர்கள் நசுங்கிப்போகும் அளவுக்கு இரவுநேரத்தில் அவர்களை அழித்துப்போடுகிறார். [QBR]
26. அவர்கள் அவரைவிட்டுப் பின்வாங்கி [QBR] அவருடைய எல்லா வழிகளையும் உணர்ந்துகொள்ளாமல் போனதினாலும், [QBR]
27. எளியவர்களின் வேண்டுதல் அவரிடத்தில் சேரவைத்ததினாலும், [QBR] சிறுமையானவனுடைய வேண்டுதலை கேட்கிற அவர், [QBR]
28. எல்லோரும் பார்க்கும்படி அவர்களைத் துன்மார்க்கரென்று அடிக்கிறார். [QBR]
29. மாயக்காரன் ஆளுகை செய்யாமலும், [QBR] மக்கள் சிக்கிக்கொள்ளாமலும், [QBR]
30. ஒரு மக்களுக்காவது ஒரு மனிதனுக்காவது, [QBR] அவர் சமாதானத்தை அருளினால் யார் கலங்கவைப்பான்? [QBR] அவர் தமது முகத்தை மறைத்தால் அவரைப் பார்ப்பவன் யார்? [QBR]
31. நான் தண்டிக்கப்பட்டேன்; [QBR] நான் இனிப் பாவம் செய்யமாட்டேன். [QBR]
32. நான் பார்க்காத காரியத்தை நீர் எனக்குப் போதியும், [QBR] நான் அநியாயம் செய்தேனென்றால், [QBR] நான் இனி அப்படிச் செய்வதில்லை என்று தேவனை நோக்கிச் சொல்லமுடியுமே. [QBR]
33. நீர் அப்படிச் செய்யமாட்டேன் என்கிறதினால், [QBR] உம்முடன் இருக்கிறவர்களில் ஒருவனை உமக்குப் பதிலாக அதைச் செய்யச்சொல்வீரோ? [QBR] நான் அல்ல, நீரே தெரிந்துகொள்ளவேண்டும்; [QBR] அல்லவென்றால், நீர் அறிந்திருக்கிறதைச் சொல்லும். [QBR]
34. யோபு அறிவில்லாமல் பேசினார்; [QBR] அவர் வார்த்தைகள் ஞானமுள்ளவைகள் அல்லவென்று, [QBR]
35. புத்தியுள்ள மனிதர் என் சார்பாகப் பேசுவார்கள்; [QBR] ஞானமுள்ள மனிதனும் எனக்குச் செவிகொடுப்பான். [QBR]
36. அக்கிரமக்காரர் சொன்ன மறுமொழிகளினால் [QBR] யோபு முற்றும்முடிய சோதிக்கப்படவேண்டியதே என் ஆசை. [QBR]
37. தம்முடைய பாவத்துடன் மீறுதலைச் சேர்த்தார்; [QBR] அவர் எங்களுக்குள்ளே கைகொட்டி, [QBR] தேவனுக்கு விரோதமாகத் தம்முடைய வார்த்தைகளை அதிகமாகப் பேசினார்” என்றான். [PE]